Қайрат Мұхамметқұлұлы Исламқұлов

Қайрат Мұқанұлы Исламқұлов (1.6.1940 жылы туған, Алматы қаласы) – ғалым, техникалық ғылымының докторы (1992), профессор(ы) (1996). Украинаның Днепродзержинск қаласындағы металлургтер училищесінде оқып, еңбек жолын Теміртау қласындағы металлургия з-тында бастаған. Мәскеу Болат және қорытпалар институтын (1962), Мәскеу машина жасау институтының аспирантурасын бітірген (1976). 1967 – 95 жылдары Қазақ химия-технологиялық институтында, Халықаралық қазақ-түрік университетінде аға оқытушы, доцент, кафедра меңгерушісі болып еңбек етті. 1996 жылдан осы университеттің Шымкент бөлімінің проректоры. Ғылыми жаңалықтары Херсон комбайн зауыты, Тула қару-жарақ зауыты, Өзбекстан электркомбинаты, Кентау экскаватор, Шымкент шина, мех. және автомобиль жөндеу зауыттары өндіріс орындарына енгізілген. Қазақстанның еңбек сіңірген ғылым және техника қайраткері (1998). 100-ден аса ғылыми еңбегі жарияланған. 15 авторлық және өнертапқыштық куәлігі бар.