Шекербек Садықанұлы

Шекербек Садықанұлы (23. 12.1936 жылы туылған, Меркі ауданы Қостоған ауылы) – журналист, ақын.

Тараз.

Өмірбаяны

Еңбек жолын қазақ темір жолының Луговой бекетінде теміржолшы болудан бастаған. 1954 – 64 жылы Жамбыл облысы «Ақ жол», Меркі ауданы «Коммунизм туы» газеттерінде еңбек еткен. 1964 – 66 жылы Меркі ауданы құрылыс-монтаж басқармасында кадр бөлімінің бастығы, 1966 – 70 жылы Алматы жоғары партия мектебінің тыңдаушысы, 1970 – 73 жылы «Қазақстан коммунисі» журналында аға әдеби қызметкер, «Қазақ совет энциклопедиясында» аға ғылыми редактор; 1970 – 93 жылы Алматы облысында «Жетісу» газетінде мәдениет бөлімінің меңгерушісі. 1993 – 2002 жылы Қаскелең ауданы «Замана жаршысы» газетінің бас редакторы болып істеді. Аудандық, облыстық және облысаралық ақындар айтысына қатысып, бірнеше дүркін жүлдегер атанған.

Айтыстары

Ақындармен айтысы «Ақындар шықты айтысқа» (Алматы, 1960) атты кітапта, одан кейін «Айтыс» (1966) кітабының үшінші томында жарияланған. «Тәуіп пен дәрігер» (1978), «Әкем менің» (1975), «Мұрат» (1980), «Найзағай жарқылы» (1978), «Алтын шапақ» (1980), «Аманжолдың ерлігі» (1985), «Жайна жасыл дүние» (1999), «Дүние дәурен» (2001), «Ах-ау, арман» (2002) атты бірнеше жыр жинақтары жарық көрген. Қазақстан Жазушылар одағының мүшесі. Қазақстан Журналистер одағының Ұзақ Бағаев атындағы сыйлығының және Жамбыл атындағы Халықаралық сыйлықтың лауреаты. Қаскелең қаласының құрметті азаматы.

Сілтемелер

• Ақын
• Журналист
• Айтыс