Меркі

Меркі — Жамбыл облысы Меркі ауданындағы ауыл, аудан және Меркі ауылдық округі орталығы, темір жол бекеті.

Ауыл
Меркі
Елтаңбасы
Әкімшілігі
Ел	ҚазақстанҚазақстан
Статусы	Аудан орталығы
Облысы	Жамбыл
Ауданы	Меркі
Ауылдық округі	Меркі
Тарихы мен географиясы
Координаттары	42°51′46″ с. е. 73°11′28″ ш. б.42.86278° с. е. 73.19111° ш. б. / 42.86278; 73.19111
Құрылған уақыты	1909
Уақыт белдеуі	UTC+5:00
Тұрғындары
Тұрғыны	17 241 адам (2023)
Сандық идентификаторлары
Телефон коды	+7 72632
Пошта индексі	080500
Автомобиль коды	08
Меркі Меркі
Меркі шекарасы

 Басқа мағыналар үшін Меркі (айрық) деген бетті қараңыз.

Географиялық орны

Облыс орталығы – Тараз қаласынан шығысқа қарай 163 км, Қырғыз Алатауының етегінде, Меркі өзенінің жағалауындағы селеу, сұлыбас, бетеге, т.б. астық тұқымдасты шөптесін басым өскен тау алдының қоңыр, қызғылт қоңыр топырақты қоңыржай ылғалды агроклиматтық белдемінде орналасқан.

Халқы

Саны (2009, 2021)

2009	2021	2021 2009-ға пайызбен	Ерлер 2009	Ерлер 2021	2021 2009-ға пайызбен	Әйелдер 2009	Әйелдер 2021	2021 2009-ға пайызбен
13467	▲17133	127,2	6564	▲8498	129,5	6903	▲8635	125,1

Тарихы

Іргесі орта ғасырларда қаланды. 6–8 ғасырда Ұлы Жібек жолы бойындағы ірі сауда орталығы болды. 13 ғасырда ол белгілі Меркі қамалына айналды. Ауыл орталығында көне қамалдың жұрнағы осы күнге дейін сақталған. 1905 жылы Меркіде тұңғыш мектеп ашылып, бұл мектептен еліміздің ардагер азаматтары – Тұрар Рысқұлов, Қабылбек Сарымолдаев, т.б. оқып шықты. Меркі ауылындағы бұрынғы шаруашылық субъектілер 1996 жылдан бастап өндірістік кооперативтер мен шаруа қожалықтарына өзгертілді.

Инфрақұрылымы

Ауылда 2 орта мектеп, кәсіптік мектеп, кітапхана, мәдениет үйі, мұражай, стадион, «Меркі» шипажайы, орталық аудандық аурухана, санэпидстанса, фельдшер-акушерлік пункт, т.б. мекемелер бар. Ауыл арқылы Тараз – Алматы, Тараз – Бішкек автомобиль жолдары және Тараз – Бішкек темір-жолы өтеді.