Қабылбек Сарымолдаев

Қабылбек Сарымолдаев (20.2. 1898, Меркі ауданы Сарымолдаев ауылы – 28.2.1938) – мемлекет қайраткері.

Тараз.

Өмірбаяны

Әулиеатада 4 жылдық училищені бітірген (1914). 1915 – 17 жылы пошта тасушы. 1916 жылы «Қазақ жастарының революциялық одағы» ұйымының жұмысына қатысты. 1918 жылы уездік революциялық-әскери комитеттің төрағасы. Түркістан Орталық атқару комитетінің мүшесі. 1919 жылы Әулиеата уездік атқару комитетінің төрағасы болып сайланды. Осы жылы 27 қыркүйекте өткен Әулиеата уезі мұсылман коммунистерінің 1-съезінде уездік партия комитетінің хатшылығына ұсынылды. 1920 – 23 жылы Орынборда Қазақ АКСР Ішкі істер халық комиссарының орынбасары, Алматы облыстық революциялық-әскери комитеттің төрағасы, 1923 – 25 жылы Ташкент облысы атқару комитетінің төрағасы, Хорезм Республикасы Халық Комиссарлары Кеңесі төрағасының орынбасары және Жұмысшы-шаруа инспекциясының төрағасы, Ташкентте Қазақ АКСР сауда өкілдігі басқармасының бастығы. 1925 – 33 жылы Қазақ АКСР халық шаруашылығы Орталық Кеңесі Президиумының мүшесі, оның төрағасы, Жоспарлау комиссиясының төрағасы, Егіншілік халық комиссары. 1933 – 37 жылы Шығыс Қазақстан облысы атқару комитетінің, Торғай ауданы, атқару комитетінің төрағасы, Қазақ АКСР Тамақ өнеркәсібі халық комиссарының орынбасары. 1938 жылы «халық жауы», «жапон империалистерінің тыңшысы» деген айыппен кеңестік қуғын-сүргінге ұшырап, ОГПУ «үштігінің» шешіміне сәйкес ату жазасына кесілді.

Жетістіктері

Меркі ауданында Сарымолдаев есімі ауылға берілген. Меркіде оның атында көше бар. Тараз қаласында оның атымен мектеп, көше аттары қойылған.

Сілтемелер

• Революция
• Комитет
• Төраға