Биіктік белдеулері: Нұсқалар арасындағы айырмашылық
Content deleted Content added
Өңдеу түйіні жоқ |
Өңдеу түйіні жоқ |
||
1-жол:
[[Сурет:Altitudinal_zones_of_Alps_mountains-extended_diagram.svg|нобай|360px|]]
'''Биіктік белдеулері''', вертикал белдеулер — бірінен кейін екіншісі кезектесіп орналасқан, [[табиғат]] жағдайларының бүкіл кешені бойынша біршама біртекті, кейде үзілмелі болып келетін [[тау]]лардағы [[ландшафт]] өңірлері (атыраптары). Бір беткейді немесе бүкіл тау жүйесін қамтитын үлкен аумақта созылып жатады (мысалы, [[Тянь-Шань таулары]]ндағы орманды-шалғындық, далалық, субальпілік, гляциалдық-нивалдық биіктік белдеулері).<ref>Қазақ тілі термињдерінің салалық ғылыми түсіндірме сөздігі: География және геодезия. — Алматы: "Мектеп" баспасы, 2007. — 264 бет. ISBN 9965-36-367-6</ref>
== Қазақстанда ==
[[Қазақстан]] тауларында биіктік белдеулер [[Алтай таулары|Алтай тауынан]] оңтүстіктегі [[Батыс Тянь-Шань]]ға қарай біртіндеп биіктей береді. Тау орманы [[Оңтүстік Алтай жотасы|Оңтүстік Алтайда]] 700 – 900 м, [[Жетісу Алатауы]]нда 900 – 1100 м, [[Іле Алатауы]]нда (Тянь-Шаньда) 1200 – 1400 м биіктікте өседі. Бұл таулы өлкенің географиялық орнына, ендігіне, биіктігі мен беткейлерінің сипатына, ылғалды желдің мөлшеріне, т.б. байланысты. Алтай тауына [[Сібір]] мен батыстан келетін ылғалды жел, Тянь-Шань тауларына [[Ауғанстан]] мен [[Иран]] жақтан соққан аңызақ жел әсер етеді. Сондықтан Қазақстан тауларындағы биіктік белдеулерінің өз ерекшеліктері (топырағы, өсімдігі мен жануарлар дүниесі) бар. Айналасындағы жазықпен салыстырғанда тау табиғатының өзгеше болуына температураның биіктеген сайын суынып, ылғалдылықтың көбеюі ықпал етеді, оның [[климат]]ындағы айырмашылықтың себебі осында. Қазақстан тауларында 6 биіктік белдеу бар. Бұл биіктік белдеулер тек Іле Алатауында ғана түгел кездеседі, басқа тауларда 5 белдеу бар, яғни альпі шалғыны белдеуі болмайды.<ref name="source">Қазақ Энциклопедиясы</ref>
== Белдеулер ==
Тау етегіндегі [[шөлейт]] белдеу Іле Алатауы, Жетісу Алатауы және Оңтүстік Алтай тауларының етегінде анық байқалады. Ол Алтайдың солтүстік-батысында далаға, Тянь-Шаньның батысында шөлге ұласады. Бұл белдеудің абсолютiк биіктігі 1300 м, негізінен [[кайнозой]]дың лëсс-құмдақ шөгінділерінен түзілген, еңіс келген жазық. Климаты шөлейт, қысы жылы, жазы ыстық, жауын-шашын мөлшері 200 – 300 мм. Өсімдігі селдір, сұр топырақта [[қау]], [[жусан]], [[бетеге]], [[бұйырғын]], [[итсигек]], [[баялыш]], [[ебелек]], [[Теріскен (өсімдік)|теріскен]] өседі. Мұнда тышқан, тасбақа, [[жылан]], [[кесіртке]], шаян, қарға, [[қарақұс]], түлкі мекендейді. Тау етегіндегі шөлейт белдеуді шаруашылық қажетіне бейімдеу оның табиғатын мүлде өзгерткен, сондықтан оны «мәдениетті зона» деп те атайды.
Таудың [[дала]] белдеуі 1000 – 2000 м биіктік аралығында, әлі бекімеген шөгінділер мен [[палеозой]]лық тау жыныстарынан құралған. Климаты қоңыржай континенттік, жауын-шашын мөлшері 400 – 600 мм. Қоңыр топырақты және шіріндісі мол [[қара топырақ]]ты келеді. Дала өсімдігі, шалғын, бетеге, қау, жоңышқа, т.б. өседі.
Таудың [[шалғын]]ды [[орман]] белдеуі Оңтүстік Алтай, Жетісу (Жоңғар) және Тянь-Шань тауларында 800 – 1300 м-ден 2800 м-ге дейінгі биіктік аралығында жатады. Бұл таулардың беткейлері өзен аңғарларымен қатты тілімденген. Жауын-шашын мол, жылдық орташа мөлш. 800 – 1000 мм. Орман көбіне таудың солтүстік беткейінде өседі. Орманды белдеудің етек жағын ала жалпақ жапырақты [[алма]], [[өрік]], [[жаңғақ]], ақ қайың, [[терек]] ағаштары және шалғын, ал жоғары жағын ала пихта, қарағай, шырша өседі. Бұл белдеуде қасқыр, [[борсық]], [[түлкі]], [[тиін]], [[қоян]], т.б. мекендейді.
Таудың [[субальпілік белдеу]]і орманды белдеуден жоғары жатады. Алтайдың солтүстік-батысында 2000 м, оңтүстік-шығысында 2400 м, Тянь-Шань тауларында 3000 м биіктіктен басталады. Алтайдағы бұл белдеуде Алтай қарабас шалғыны, манжетка, [[аю балдырған]], [[түлкіқұйрық]], [[тарғақшөп]] өседі. Одан жоғары мүк пен қына өсетін тырбық, қисық бұталар, түркістан аршасы кездеседі. Ал Жетісу (Жоңғар) Алатауының осы биіктігінде тау шалғыны бар.
Таудағы [[альпілік белдеу]] Солтүстік Тянь-Шань тауларында 2800 – 3200 м биіктікте. Топырағының шіріндісі мол (12 – 15%), альпілік шалғын хош иісті сан алуан гүлге бай. Шөбі малға жұғымды жайлау. Алтайда, Жетісу (Жоңғар) Алатауында бұл биіктікті нивальдық белдеу алып жатыр.
Нивальдық белдеу (мәңгілік қар белдеуі) Солтүстік Тянь-Шань тауларында 3200 м-ден 5000 м-ге дейінгі аралықта. [[Жер бедері]] биік шың, жартасты, құлама болып келеді. Беткейлерін үйме қорым тас, көп жылдық [[мұз]] бен [[қар]] басып жатады. Өсімдік өспейді, жануарлар мекендемейді.<ref name="source"/>
== Дереккөздер ==
{{дереккөздер}}
{{Табиғат зоналары}}
[[Санат:Климат]]
| |||