'''Көкгүл Тұқымдасытұқымдасы''' (Gentіanaceae) – қос жарнақты, бір не көп жылдық шөптесін өсімдіктер, ал [[тропик|тропиктік]], [[субтропик|субтропиктік]] аймақтарда бұта, шала бұта, ағаш (биіктігі 5 м-дей) түрінде де болады. Жер шарында кең тараған 70 – 80-дей туысы, 1000-ға жуық түрі бар, солардың ішінде [[Қазақстан|Қазақстанда]] 6 туысы (көкгүл, толғақшөп, әлпігүл, мүйізгүл, таугүл, [[анагаллидиум]]), 45 түрі өседі. Көкгүл Тұқымдасының көпшілік түрінің құрамында ащы органиклық зат – [[гликозид]] болады. Қос жынысты гүлдерінің түсі көк, ақ, қызыл, қызғылт, ал [[Мексика]] гүлінің түсі ерекше қара болады. Тостағанша жапырақтары 4 – 5 тілімге бөлінген. Күлтесі түтікшелі келген, қоңырау тәрізді, кейде күлтелерінің бөлінген жерінде қатпарлары болады. Осы күлтесінің түбінде өсімдіктің шырыны жиналады. Аталық жіпшелері жіңішке, аталық тозаңқабы бос жатады. Жатыны бір ұялы, жемісі – тығыз қабықпен қапталған қорапша. Көкгүл Тұқымдасына жататындардың көпшілігі – дәрілік және сәндік өсімдіктер.
