Вьетнам Ұлттық футбол құрамасы

Вьетнам Ұлттық футбол құрамасы — халықаралық жарыстарда Вьетнамның намысын қорғайтын ұлттық құрама. Басқарушы орган — Вьетнам Футбол федерациясы. Әлем чемпионатына қатыспаған. Азия чемпионатына екі рет (2007, 2019) қатысқан.

Вьетнам Ұлттық футбол құрамасы
Логотип
Лақап аты	Những chiến binh sao vàng (Алтын жұлдызды жауынгерлер)
Конфедерация	Азия футбол конфедерациясы
Бас бапкері	Пак Хан Со
Капитаны	Ку Нгок Ха
Формасы
Сурет:Kit socks vie19h.png Негізгі форма Сурет:Kit socks vie19a.png Қонақтық форма
Филиппиндер 2 - 2 Вьетнам (26 қараша 1991 жыл)
Вьетнам 11 - 0 Гуам (Хошимин, 23 қаңтар 2000 жыл)
Зимбабве 6 - 0 Вьетнам (Куала-Лумпур, Малайзия; 26 ақпан 1997 жыл)

Тарихы

50 жылдарға дейін

Вьетнамға футбол 19 ғасырдың соңғы жылдарында келді. Әуелі француз әскерлері, әскери қызметкерлері өзара ойнап жүрді де, сосын вьетнамдықтарды да ойнауға шақырды. Осылайша футбол ойнауға жергілікті азиялықтар да үйрене бастайды. 1908 жылы алғашқы команда құрылды деген ақпараттар бар, ал 1928 жылы мұнда алғашқы ресми спорттық ұйымдар құрылды да, Вьетнамда кәсіби емес клубтық командалар көбейе бастады. Бірақ 50-жылдарға дейін бұл жақта ұлттық құрама деген болмады. Тек Вьетнам екіге бөлінген соң ғана ұлттық құрамалар бас қосты.

50-70 жылдар

Қараңыз: Солтүстік Вьетнам құрамасы, Оңтүстік Вьетнам құрамасы

70-жылдардан соң

1976 жылы Солтүстік және Оңтүстік Вьетнам бірікті де, ұлттық футбол құрамалары да бірікті. Бірақ құрама 1991 жылға дейін бір ойын да өткізбеді. 1991 жылы 26 қараша күні Филиппиндер құрамасымен жолдастық кездесу өткізіп, 2:2 есебімен тең тарқасты.

2007 жылғы Азия чемпионатын Малайзия, Индонезия, Таиланд елдерімен бірігіп өткізді де, тұңғыш рет финалдық турнирге қатысып, ширек финалға дейін жетті.

2008 жылы құрама тізгінін португалиялық Энрике Калишту ұстады. Сол жылы Вьетнам құрамасы АСЕАН турнирінде чемпион атанды. Бұл жетістігін тек 2018 жылы ғана қайталай алды.

2019 жылғы Азия кубогында тағы да ширек финалға дейін жетті.

Ірі турнирлерде

Әлем чемпионаттары

• 1994 — 2018 іріктеуден өте алмады

Азия кубогы

• 1996 — іріктеуден өте алмады
• 2000 — іріктеуден өте алмады
• 2004 — іріктеуден өте алмады
• 2007 — 1/4 финал
• 2011 — іріктеуден өте алмады
• 2015 — іріктеуден өте алмады
• 2019 — 1/4 финал

АСЕАН чемпионаты

• 1996 — 3 орын
• 1998 — 2 орын
• 2000 — 4 орын
• 2002 — 3 орын
• 2004 — топтық турнир
• 2007 — 1/2 финал
• 2008 — чемпион
• 2010 — 1/2 финал
• 2012 — топтық турнир
• 2014 — 1/2 финал
• 2016 — 1/2 финал
• 2018 — чемпион

Сілтемелер

• vff.org.vn Вьетнам Ұлттық футбол құрамасы — ресми сайты official site
• fifa.com/associations/association=vie/index.html Вьетнам Ұлттық футбол құрамасы — ресми сайты from FIFA website (ағылш.)