Құланды (түбек)
Құланды – Арал теңізінің солтүстігіндегі түбек.
Басқа мағыналар үшін Құланды деген бетті қараңыз.
Сипаты өңдеу
Түбек 1980 жылға дейін теңізге 60 км-ге жуық сұғына кіріп жатқан. Абсолюттік биіктігі 129 м. Жағасы аз тілімделген, оңтүстігі жарлауытты (15 – 20 м). Батысында Чернышев, солтүстік-шығысында Тұщыбас шығанақтары орналасқан. Түбек палеогеннің әктас, мергель жыныстарынан түзілген.
Өсімдігі өңдеу
Жусан, баялыш, сексеуіл, жүзгін, т.б. шөлейттік өсімдіктер өседі. Шығысында қайнар бұлақтар, тұзды көлдер бар. Қоңыр көмір шығындылары кездеседі. Арал теңізінің тартылуына байланысты Құланды аралы жағалаумен бірігіп, пішіні өзгеріп кетті.[1][2]
Дереккөздер өңдеу
- ↑ Маңғыстау энциклопедиясы, Алматы, 1997;
- ↑ “Қазақ Энциклопедиясы”, VI-том