Арналық деңгей

Арналық деңгей (ағылш. Data link layer) — OSI моделінің 2-деңгейі. Арналық деңгей мәліметтер тізбегінің құрамына кіретін символдарды тізбектелген түрде жеткізуге арналған. Бұл деңгейде желі түйіндерінің физикалық деңгейді пайдалану ережелері анықталады. Физикалық деңгейден алынған мәліметтерді желілік деңгейге түсінікті (мәліметтер кадры деп аталатын) түрге аударады және керісінше, желілік деңгейден қабылданған кадрларды физикалық деңгейге керек биттер (ақпарлар) ағынына түрлендіреді. Арналық деңгей екі желілік деңгей арасында тасымалданатын мәліметтердің тұтастыгын қадағалап отырады.

Арналық деңгей екіге бөлінеді: физикалық ортаға қатынас құруды бақылау (физикалық ортаға қатынас құруды басқарады, мысалы, маркерді жеткізу немесе қақтығысты табу) және логикалық арнаны басқару (есептеу торабының жұмысына бақылау жүргізеді). Есептеу машинасын желіге қосу үшін оған желінің белгілі бір физикалық түрімен жүмыс істеуге арналған желілік карта жалғау керек. Осындай желілік карта есептеу машинасында арналық деңгей міндеттерін атқарады.[1]

Функциялары өңдеу

Арналық деңгей келесі функцияларды орындайды:

  • Байланыс ортасына жоғары деңгейлердің қол жетімділігін қамтамасыз ету;
  • Деректерді алады, әдетте деңгей (Layer) 3 пакеттері (IPv4 немесе IPv6 сияқты) және оларды деңгей (Layer) 2 фреймдерінде жинақтайды;
  • Мәліметтер беру ортасында мәліметтерді беру мен қабылдауды бақылау;
  • Желілік қосылыстың физикалық ортасы арқылы түйіндер арасындағы кадрлардың алмасуын қамтамасыз ету;
  • Инкапсуляцияланған деректерді, әдетте Layer 3 пакеттерін алады және оларды жоғарғы деңгейдің тиісті хаттамасына бағыттайды;
  • Кез-келген бүлінген кадрды анықтау және қабылдамау қателігін іске асыру.

Дереккөздер өңдеу

  1. Қазақ тілі терминдерінің салалық ғылыми түсіндірме сөздігі: Информатика және компьютерлік техника / Жалпы редакциясын басқарған, түсіндірме сөздіктер топтамасын шығару жөніндегі ғылыми-баспа бағдарламасының ғылыми жетекшісі, педагогика ғылымдарының докторы, профессор, Қазақстан Республикасы Мемлекеттік сыйлығының лауреаты А. Қ. Құсайынов. – Алматы: «Мектеп» баспасы» ЖАҚ, 2002 жыл. – 456 бет. ISBN 5-7667-8284-5