Артур Конан Дойль

Артур Игнатиус Конан Дойль (Дойл) (ағылш. Sir Arthur Ignatius Conan Doyle; 1859 жыл, 22 мамыр – Эдинбург, Шотландия – 1930 жыл 7 шілде, Кроуборо, Сассекс) – шотланд және ағылшын жазушысы.

Дүниежүзілік атаққа Шерлок Холмс туралы детектив жанрында жазылған шығармалар және профессор Челленджер туралы ғылыми-фантастикалық, бригадир Жерар туралы юморлық шығармалар арқылы ие болады. Сондай-ақ Конан Дойль – «Ватерлоо», «Ангелы Тьмы», «Огни судьбы», «Пёстрая лента» пьесаларының және (1898) «Песни действия» және «Песни дороги» баллада жинағы өлеңдерінің, «Записки Старка Монро», сондай-ақ «Загадка Старка Монро» шығармасының автобиографиялық очерктерінің авторы.Оның әйгілі кітабының бірі "Собака Баскервилей" болып табылады.

Балалық шағы

Артур Конан Дойл өнер мен әдебиеттегі жетістіктерімен танымал ирландиялық католик отбасында дүниеге келген. Конан есімі оған анасының ағасы, суретші және жазушы Майкл Эдвард Конанның құрметіне берілген. Әкесі - Чарльз Альтемонт Дойл (1832-1893), сәулетші және суретші болған. Әкесі 1855 жылы 31 шілдеде 23 жасында 17 жасар Мэри Джозефина Элизабет Фолиге (1837-1920) үйленеді.

Мэри кітаптарды жақсы көретін және әңгімелеуге үлкен таланты болған. Анасынан Артур рыцарьлық дәстүрлерге, ерліктерге және шытырман оқиғаларға деген қызығушылығын мұра етті.

"Әдебиетке деген шынайы сүйіспеншілік, жазуға деген құштарлық өзімнен, меніңше, анамнан», – деп жазды Конан Дойл өзінің өмірбаянында"

Болашақ жазушының отбасы ауыр қаржылық қиындықтарды бастан өткерді – себебі әкесі алкоголизмнен зардап шегетін, сонымен қатар өте ауыр психикалық ауруы болды. Артурдың мектеп өмірі Годдер дайындық мектебінде өтті.

Бала тоғыз жаста болғанда, бай туыстары оның оқуына ақы төлеуді ұсынды және оны келесі жеті жылға Стонихурст иезуит колледжіне (Ланкашир) жіберді, сол жерден болашақ жазушы діни және класстық системаға, физикалық жазалауға деген жек көрушілікті тудырды. Сол жылдардағы аз ғана бақытты сәттері, анасына жазған хаттармен байланысты болды: Дойл өмірінің соңына дейін анасына ағымдағы оқиғаларды егжей-тегжейлі сипаттауды әдетке айналдырды. Барлығы Артур Конан Дойлдың анасына жазған 1500-ге жуық хаты сақталған: Сонымен қатар, интернатта Дойл спортпен, негізінен крикетпен айналысқанды ұнататын, сонымен қатар ойлап тапқан әңгімелерді айтатын ертегіші таланты болған.

Колледжде оқып жүргенде Артурдың ең ұнатпайтын пәні математика болды.  

Оған қоса Дойлға сынып әріптестері – италиандық ​​ағайынды Мориартилер Дойлға жиі тиіскен деп айтылады. Осы мектептік эпизодтар, кейінірек Конан Дойлдың «Холмстың соңғы ісі» әңгімесінде «қылмыстық әлем данышпаны – математика профессоры Мориарти» бейнесінің пайда болуына әсер етті дейді.

1876 ​​жылы Артур колледжді бітіріп, үйіне оралды.