Артур Станиславович Платонов

Артур Станиславович Платонов

1974 жылы 11 қыркүйекте Алматы қаласында туған. Орыс.

Әкесі - Платонов Станислав Павлович (1945 жылы туған), ІІМ зейнеткері, подполковник. Анасы - Платонова Лия Юрьевна (1945 жылы туған), Еңбек ардагері, ҚР білім беру ісінің үздігі, жоғары санаттағы оқытушы, Ж. Әубәкірованың музыкалық колледжінің оқытушысы.

П.И. Чайковский атындағы Мәскеу мемлекеттік консерваториясының тарихи-теореялық факультетін (1998) өнертанушы мамандығы бойынша бітірген. Еуразия телевизия және радио академиясының академигі (РФ).

«Вердидің 40-жылдардағы опералары» монографиясының (1998), сондай-ақ Батыс Еуропа музыкалық театрының тарихы жөніндегі 50 мақаланың және жарияланымның авторы.

Құрманғазы атындағы Қазақ ұлттық консерваториясында 2000 жылдан оқып келе жатқан «Батыс Еуропа музыкалық театрының тарихы» курсының авторы. 2001 жылдан - «КТК» телеарнасы «Портрет недели» бағдарлама- сының жетекшісі және жүргізушісі. 2006 жылдан - «КТК» АҚ президенті.

2007 жылдан бері - «КТК» меншікті хабар тарату директоры. 2008 жылдан бері - әл-Фараби атындағы ҚазҰУ Халықаралық журналистика кафедрасының оқытушысы. «Нұр Отан» ХДП жанындағы Сыбайлас жемқорлықпен күрес қоғамдық кеңесінің мүшесі.

ҚР Президенті жанындағы БАҚ Қоғамдық Кеңесінің мүшесі. «Портрет недели» бағдарламасын ұйымдастығаны және өткізгені үшін» ҚР Журналистер одағы сыйлығының (2004), үздік жүргізуші ретінде ҚР Ақпарат, мәдениет және спорт министрлігі сыйлығының, елімізің үздік тележүр гізушісі ретінде (2004), «Нұр Отан» ХДП - «Сыбайлас жемқорлықпен күреске қосқан үлесі үшін» (2009), ҚР Тұңғыш Президенті қорының (2009). «Алтын Адам» атағының 5 мәрте лауреаты. ҚР Президентінің Алғысымен ескерілген.

«Гэллап Медиа» деректері бойынша, «Портрет недели» бағдарламасы еліміздің ең жоғарғы рейтингке ие авторлық бағдарламасы әрі ТМД-дағы ең жоғарғы рейтингке ие авторлық бағдарламасы. «Портрет недели» бағдарламасы - Еуразиялық телефорумдарының «Ақпаратты-аналитикалық және ақпаратты-публицистикалық бағдарлама» номинациясы бойынша жеңімпазы (Мәскеу қаласы, 2006, 2009) лауреаты.

Қазақстанның болашағы туралы болжамы - «Азия аймағындағы ең өнеркәсіптік дамыған және жағдайы күшті елдердің бірі».

Хоббиі - шахмат, психология және философия, музыкалық театрларға арналған шығармалардың дыбыс және бейне жазбаларын жинау. Шахматтан спорт шебері.

Сүйіпоқитынәдебиеті - У. Шекспир, И.-В. Гете, А.С. Пушкин.

Үйленген. Жұбайы - Платонова Ирина Александровна (1979 жылы туған), пианист. Ұлдары - Владислав (2003 жылы туған), Игорь (2005 жылы туған).