Асан қайғы көшесі (Астана)
Асан қайғы көшесі (бұрынғы Н.Гастелло көшесі) — Астана қаласындағы көше.
Асанқайғы көшесі А. Кравцов көшесінен басталып, Жәнібек тархан, Ағыбай батыр, А.Иманов, Кенесары, Абай даңғылы, Сәкен Сейфуллин, Ә.Жангелдин көшелерін қиып өтеді. Ұзындығы -2237,8 м. Асанқайғы (XIV ғ. - XV ғ.) - мемлекет қайраткері, ақын жырау, би, философ. Керей мен Жәнібек хандардың ақылшысы болған. Асанқайғы заманында Алтын Орда ыдырап, оның орнына Қырым, Қазан, Өзбек хандықтары пайда болды. Ноғай ордасы тарап, Қазақ хандығының тарих сахнасына шығуы хандықтар арасындағы қым-қиғаш талас-тартысты аласапыран кезеңмен түспа-тұс келді. Шу мен Арал аралығында Қазақ ордасы құрылған кезде Асанқайғы жаңа мемлекеттің ұраншысына айналады. Хан мен қара бұқара арасындағы қарым-қатынасты ұшықтырмай, әділет тұрғысынан шеше білген. Асанқайғы елінің сұлы-нұлы, шөбі шүйгін, құтты қоныс таұып, «Адамы жүзге келмей өлмейтін, қойы екі төлдейтін» мамыражай, еркін өмір сүретін «Жерұйықты» аңсады.
Қазақ халқы ғасырлар бойы тарихи сатыларында Асан қайғы есімін үстемдікке, озбырлыққа, әділетсіздікке қарсы ұстанған ізгілік символына айналдырды.[1]
Дереккөздер
өңдеу- ↑ Астана көшелері /Құрастырушы: Е. Тілешев, О. Сүлейменов. Алматы: 2008. ISBN 9965-32-642-8
| Бұл мақаланы Уикипедия сапа талаптарына лайықты болуы үшін уикилендіру қажет. |
| Бұл мақалада еш сурет жоқ.
Мақаланы жетілдіру үшін қажетті суретті енгізіп көмек беріңіз. Суретті қосқаннан кейін бұл үлгіні мақаладан аластаңыз.
|
Сыртқы сілтемелер
өңдеу- Астана қаласының жоспар-кестесі анықтамалық онлайн картасы Мұрағатталған 16 қаңтардың 2013 жылы. (қаз.) (ағыл.) (орыс.)