Асауға құрық салу

«Асауға құрық салу» (басқаша атаулары: «Бұғалық тастау», «Қашағанды қуу») — Молдахмет Кенбаевтің 1957 жылы салған суреті.

Бұл пейзаждың нақ ортасында көкжиек тау тізбегімен астасқан дала бойымен желдей есіп шапқан ақ боз ат бейнеленген. Оны ұстамақ болып біреуі ұзын құрықты, екіншісі арқанын ұстаған екі салт атты артынан қуып келеді.

1997 жылғы пошта маркасы

Осы шығарманың өн бойынан қазақтың далалық рухы, ат тұяғының дүбірі ерекше сезіледі. Түстердің үйлесімділігі, композицияның біртұтастығы, даланың сұлулығы шебер қиюласқан.[1]

Жазушы Мұхтар Әуезов бұл суретті көргенде: «Мінез деп мынаны айт. Молдахмет, сенің аттарың асау ғой өзі. Осындай кеңістік керек бізге. Көкірегіміз ашылып сала берді ғой», деп айтқан екен.[2]

Суретті Мәскеудің Третьяков галереясы сатып алғаны белгілі.

Дереккөздер өңдеу

  1. «От тұяқ кең даланы дүбірлетіп...» — «Ана тілі», 13.08.2015
  2. Кенбаев кеңістігі — «Егемен Қазақстан», 11.05.2021.