Третьяков галереясы

Третьяков галереясы – орыс бейнелеу өнерінің Мәскеу қаласындағы аса ірі мемлекеттік мұражайы. Оның негізін белгілі көпес-меценат Павел Михайлович Третьяков (1832 – 1898 жылдары) қалаған.

Тарихы

Павел Михайлович Третьяков 1856 жылдан бейнелеу өнері туындыларын жинаумен айналысып, соның нәтижесінде 1892 жылы інісі Сергей Михайлович Третьяков (1834 – 1892 жылдары) екеуі өздерінің жинаған жекеменшік картиналар қорын қоғам игілігі үшін сый ретінде Мәскеу галереясына өткізді. 1918 жылдан мұражай Павел және Сергей Третьяковтар атындағы Мәскеу қалалық көркемсурет галереясы деп аталды. Сол жылы 3 маусымнан Третьяков галереясы мемлекет меншігіне көшіріліп, қазіргі атына ие болды. Бұдан кейінгі жылдары да Третьяков галереясының коллекциясы жеке қорлар мен басқа мұражайлардағы бейнелеу өнерінің ең үздік туындыларымен үнемі молайтылып отырылды.

1980 жылы галерея ғимаратының алдыңғы жағына Третьяковтың ескерткіші (мүсіншісі Александр Павлович Кибальников) орнатылды.
1956 жылы Еңбек Қызыл Ту орденімен марапатталған.

Галерея қоры

Третьяков галереясы қорында орыстың II – XVII ғасырлардағы иконалары, XVIII – XXI ғасырлардың аралығындағы кескіндемелік және Тәуелсіз Мемлекеттер Достастығы (ТМД) елдері өнері шығармалары, орыс графикасы мен мүсін өнері туындылары жинақталған. Третьяков галереясының қоры кейінгі кезеңде де мемлекет тарапынан арнайы бөлінген қаржымен бейнелеу өнері туындыларын сатып алу арқылы толықтырылып отырды. Галерея қорында 150 мың дана экспонат (2006 жылы) сақтаулы. Жанында өңдеу шеберханасы, мұрағат, кітапхана жұмыс істейді. Ғылыми-зертханалық және насихат жұмыстары жүргізіледі.^[1]

Көрмелер

Көрмелер топтамасы «Золотая карта России».
«101 икона из Ярославля» атанған 29-я эя Ярославский көркем мұражайымен таныстырылды.

Қаланды	1856 жыл
Мекен-жайы	Лаврушинский көшесі, 10, 117393, Мәскеу, Ресей
Директоры	Зельфира Трегулова
Телефоны	+7 (499) 230-7788
Билет құны	180 рубль

Третьяков галереясының жетекшілері

2015 жылдан бүгінгі күнге дейін – Зельфира Исмаиловна Трегулова^[2].
2009-2015 жылдары – Ирина Владимировна Лебедева
1993-2009 жылдары – Валентин Алексеевич Родионов
1980-1992 жылдары Юрий Константинович Королев

Сілтеме

↑ «Қазақстан»: Ұлттық энцклопедия / Бас редактор Ә. Нысанбаев – Алматы «Қазақ энциклопедиясы» Бас редакциясы, 1998 ISBN 5-89800-123-9, VIII том
↑ РФ мәдениет министрлігі сайты Мұрағатталған 22 желтоқсанның 2015 жылы.

Бұл — мақаланың бастамасы.
Бұл мақаланы толықтырып, дамыту арқылы, Уикипедияға көмектесе аласыз.
Бұл ескертуді дәлдеп ауыстыру қажет.

[1] «Қазақстан»: Ұлттық энцклопедия / Бас редактор Ә. Нысанбаев – Алматы «Қазақ энциклопедиясы» Бас редакциясы, 1998 ISBN 5-89800-123-9, VIII том

[2] РФ мәдениет министрлігі сайты Мұрағатталған 22 желтоқсанның 2015 жылы.

[1]

[2]