Асылбек Сүйеуханұлы Айдаров

Асылбек Сүйеуханұлы Айдаров
	Асылбек Сүйеуханұлы Айдаров
Туған күні	1940
Туған жері	Маңғыстау облысы Қарақия ауданы
Азаматтығы	Қазақ КСР; Қазақстан
Ұлты	Қазақ
Қызметі	журналист ; қоғам қайраткері ; педагогика қызыметкері

Асылбек Сүйеуханұлы Айдаров (1940 жылы Маңғыстау облысы Құрық ауылында туған) — журналист, мұғалім. ҚР Білім беру ісінің Үздігі. Қазақстан журналистер одағының мүшесі (1972 жылдан). Жаңаөзен қаласының құрметті азаматы (2000). Қазақстанның Құрметті журналисті.

Толығырақ

Айдаров Сүйеуханұлы 1940 жылы Маңғыстау облысы Құрық (Ералиев) кентінде балықшылар отбасында дүниеге келген.
1964 жылы Әл-Фараби атындағы Қазақ ұлттық университетінің (бұрынғы Киров атындағы мемлекеттік университет) филология факультетін бітірген.
Марксизм-ленинизм университетін бітірген.
1964 - 1970 жылдары Ералиев (Құрық) ауданында мектеп мұғалімі және директоры;
1970 - 1976 жылдары «Жаңарған Маңғыстау» газетінде редактордың орынбасары, қалалық халыққа білім беру бөлімінде инспектор, «Коммунистік жол» газетінде тілші,
1976 - 1990 жылдары Қызылсай ауылындағы мектепте директор, Жаңаөзен қалалық партия комитетітінің үгіт-насихат бөлімінің және қалалық халыққа білім беру бөлімінің меңгерушісі.
1990 - 2010 жылдары «Жаңаөзен» газетінің бас редакторы.
2010 жылы еңбек демалысына шыққан.
Жаңаөзен қаласы әкімі жанындағы қалалық Ардагерлер Кеңесінің төрағасы.
Құрық, Жаңаөзен қалалық Кеңесі мен Маңғыстау облыстық Мәслихатының депутаттығына сайланған.
«Ауылға Сүгір келді деп...» және «Мен Есенғали Шайырың» атты кітаптарды құрастырушы, «Жаңаөзен –мұнайшылар астанасы», «Жаңарған Жаңаөзен», «Өткен күннің белгілері», «Қарашаңырақ Қызылсай», « Қуанғали Сарбөпеұлы» атты кітаптардың авторы.

Марапаттары

КСРОның жоғарғы мемлекеттік марапаты "Құрмет белігісі" Орденімен марапатталған.
КСРОның "Еңбек ардагері", "Ерен еңбегі үшін Лениннің туғанына 100 жыл" және "КСРО халыққа білім беру ісінің үздігі" медалдарымен марапатталған.
2000 жылы Жаңаөзен қаласының Құрметті азаматы (атағы);
2001 жылы "Қазақстан Республикасының тәуелсіздігіне 10 жыл" медалі
2005 жылы "Қазақстан Республикасының конститутциясына 10 жыл" медалі
2008 жылы "Астанаға 10 жыл" медалі
Елбасының жарлығымен "Ерен еңбегі үшін медалі" мен марапатталған.
Қазақстан Республикасының тұңғыш президенті - елбасының жеке алғыс хатымен екі мәрте марапатталған.
Қазақстан Республикасы Ақпарат және коммуникациялар министрлігінің құрмет грамотасы;
Қазақстан Республикасының Мәдениет министрлігінің құрмет грамотасы;
Қазақстанның Құрметті журналисті атағының иегері.
"Жаңаөзен мұнайына 40 жыл" медалі;
Қазақстан журналистер одағының дипломанты.
Маңғыстау облысы және Жаңаөзен қаласы әкімдігінің Құрмет Грамоталары мен Алғыс хаттарының иегері.