Асқар Алмабекұлы Тұтубаев

Асқар Алмабекұлы Тұтубаев - 1964 жылы 14 ақпанда Алматы қаласында туған. Қазақ. Әкесі - Тұтубаев Алмабек Жәбекпарұлы, Қызылту-4 кентінің зоотехнигі. Анасы - Жантасова Сәбира Молдахметқызы, зейнеткер, Қызылту-4 кентінің агрономы болған. Алматы энергетикалық институтын (1986) инженер-электрик мамандығы бойынша; Қазақ мемлекеттік заң академиясының заң факультетін (2000) заңгер мамандығы бойынша; Қ.И. Сәтбаев атындағы Қазақ Ұлттық техникалық университетінің «Өнеркәсіптік, азаматтық құрылыс» факультетін (2010) құрылыс бакалавры мамандығы бойынша бітірген. Техника ғылымдарының кандидаты (2010). Кандидаттық диссертациясының тақырыбы: «Техногенді азық-түлік негізінде көшенді органикалық минералды қоспалары бар аса берік жылдам қататын цемент тәрізді жүйе». «Қазақстан Республикасында сәулет-қала салу қызметін құқықтық реттеудің жалпы мәселелері» (2009), «Сәулет және қала салу саласында заңнаманы дамыту тарихы (орта ғасырдан капитализмге дейін)» (2009), «Қазақстан Республикасында сәулет және қала салу саласындағы заңдардың бұзылуына жауапкершілік мәселелері» (2009), «Қазақ КСР сәулет және қала салу салаларын құқықтық реттеу» (2009), «Сәулет және қала салу саласында басқарудың әлемдік тарихы (ерте заман)» (2009), «Сәулет және қала салу саласын мемлекеттік бақылау аясындағы заңдардың жетілдіру мүмкіндіктері» (2009), «Қазақ КСР сәулет және қала салу салаларын құқықтық реттеу» (2010) жарияланымдарының авторы. Қазақ және орыс тілдерін біледі. «Нұр Отан» ХДП мүшесі (2009 жылдан).

• 1990 жылдың шілдесінен 1991 жылдың мамырына дейін - инженерлік желілерді жөндеу жөніндегі өндірістік учаскенің шебері.
• 1991 жылдың мамырынан - Алматы облысы Іле ауданы Мемлекеттік көпсалалы коммуналдық шаруашылық кәсіпорнының директоры.
• 1993 жылдан - Алматы облысы «Еңбек» ЖШС директоры.
• 1996 жылдан - Алматы облысының әкімі бірінші орынбасарының кеңесшісі.
• 1999 жылдан - Алматы облысы Жол және коммуналдық шаруашылық басқармасы бастығының орынбасары.
• 2004 жылдан - Алматы облысы Сәулет, қала салу және құрылыс басқармасы бастығының орынбасары.
• 2006 жылдан – Алматы облысы құрылыс басқармасы бастығының орынбасары.
• 2008 жылдың мамырынан бері - Алматы қаласы Мемлекеттік сәулет-құрылыс бақылау басқармасының бастығы. Қазақ бас сәулет-құрылыс академиясының қамқоршы

кеңесінің мүшесі. «Қазақстан Конституциясына 10 жыл» (2005), «Қазақстан Республикасының тәуелсіздігіне 10 жыл» (2007), «Астананың 10 жылдығы» медальдарымен (2008); ҚР Тәуелсіздік күнінің құрметіне Алматы облысы әкімінің (2006), құрлысшы күнінің құрметіне Алматы облысы әкімінің (2007), Қазақстан Құрылысшылар қауымдастығының (2008) құрмет грамоталарымен марапатталған.

Әскери атағы - запастағы аға лейтенант.
Саяси қайраткер ретіндегі идеалы - Н.Ә. Назарбаев.
Қазақстанның болашағы туралы болжамы - «Экономикасы орнықты және бәсекеге қабілетті кәсіпорындары бар зайырлы, демократиялық мемлекет».
Хоббиі - спорт, кітаптар.
Сүйіп оқитын әдебиеті - тарих.

Үйленген. Жұбайы - Тасыбекова Рахат Орынбекқызы, үй шаруасымен айналысады. Қыздары - Түтубаева Салтанат Асқарқызы, Тұтубаева Жұлдыз Асқарқызы; ұлдары - Тұтубаев Бектүр Асқарұлы, Түтубаев Жәңгір Асқарұлы.