Ас-сибаи Юсуф
Ас-сибаи Юсуф - араб жазушысы, қоғам қайраткері. Әскери академияны, Каир ун-тін бітірген. 1943-52 ж. Әскери академияда оқытушы, 1953-56 ж. "Ар-рисала аль-джадида" әдеби журналының, 1968-78 ж. "Лотос" журналының бас редакторы. 1956-78 ж. Әдебиет және өнер жөніндегі жоғары советтің, Араб елдері Жазушылар одағының, Египет жазушылары ассамблеясының, Азия және Африка халықтары ынтымақ ұйымының, Азия және Африка елдері жазушыларының ассоциациясы Тұрақты бюросының бас секретары, Египет мәдениет министрі болды. Шығармалары 1933 жылдан жариялана бастады. Алғашқы әңгімелер жинағы - "Елестер" жинағы жарық көрді. "Әзірейілдің мұрагері", "Монтаны жері", "Су иесі", "Өз жүрегімді қайтар", "Оралу", Шапалақ және сүю", "Біз жалғыз емеспіз", "Қас қағым өмір" т.б. романдарында араб халқының ауыр тұрмысы, 50-60 жылдарда Египетте болған саяси-әлеуметтік өзгерістер, 1948 жылғы араб-израиль соғысы, 1952 жылғы азаттық революциясы баяндалады.
Ол бейбітшілік алтын медалымен марапатталған, "Лотос" сыйлығын алған.
Дереккөздер
өңдеу↑Қазақ ССР 4 томдық қысқаша энциклопедия./Бас редактор Р.Н. Нұрғалиев;Алматы; Қаз.Сов. Энциклопед. Бас. редак. 1989 ISBN 5-89 800-009-7