Ауа райының жергілікті белгілері
Ауа райының жергілікті белгілері – жергілікті метеорологиялық бақылауларға сүйеніп, ауа райының жуық арада (бірнеше сағат ішінде) өзгеруін болжауға мүмкіндік беретін атмосфералық құбылыстар. Олар жай көзбен (бұлттың қоюлығы, жылжу бағыты және оның аспан күмбезіндегі мөлшері, ашық түнде жер бетіне шықтың түсуі, т.б.) және аспаппен байқалатын метеорол. құбылыстар болып бөлінеді. Қолайлы ауа райы ұзақ уақыт өзгермейтін болса, онда сол аймақтағы атмосф. қысым көтеріліп, түнде тымық, күндіз жұмсақ жел еседі, ауа температурасы күндіз жоғарылап, түнде төмендейді, кейде кешке қарай болмашы жауын-шашын себелейді. Мұндай ауа райы антициклонның ықпалы тиетін аймақтарға тән. Атмосф. қысымның төмендеп, желдің жылдамдығы мен ауа температурасының бір қалыпта болуы, аспанды түгелдей бұлт торлап, жауын-шашын толассыз, ұзақ жаууы қолайсыз ауа райының белгілеріне жатады. Ондай ауа райы циклон тараған аудандарда басым келеді.
Ауа райының жергілікті белгілері — байқаушының көкжиек ауқымындағы болжамдық маңызы бар атмосфераның дамуындағы ерекшеліктері. Бұларға бұлттардың сипаты, көрінімнің алыстығы, атмосферадағы оптикалық құбылыстар, жергілікті атмосфералық кысым мен желдер және тағы да басқалары жатады. [1]
Дереккөздер
өңдеу- ↑ Қазақ тілі терминдерінің салалық ғылыми түсіндірме сөздігі: География және геодезия. — Алматы: «Мектеп» баспасы, 2007 жыл. — 264 бет. ISBN 9965-36-367-6
| Бұл мақаланы Уикипедия сапа талаптарына лайықты болуы үшін уикилендіру қажет. |
| Бұл мақалада еш сурет жоқ.
Мақаланы жетілдіру үшін қажетті суретті енгізіп көмек беріңіз. Суретті қосқаннан кейін бұл үлгіні мақаладан аластаңыз.
|
|
Бұл — мақаланың бастамасы. Бұл мақаланы толықтырып, дамыту арқылы, Уикипедияға көмектесе аласыз. Бұл ескертуді дәлдеп ауыстыру қажет. |