Ауа тазартқыш

Ауа тазартқыш — ас үй ауасын плита оттығында толық жанбаған газдың зиянды қалдықтарынан, тамақ дайындау кезінде шашыраған май пен күйіктің иісінен тазартуға арналған аппарат. Ол ас үй жиһазымен тұтаса орналастырылады немесе газ не электр плитасының үстіне (700— 900 мм биіктікте) қабырғаға орнатылады. Бұл деңгей аппараттық температуралық қалыпты режимді және ауаны тиімді тазартуды қамтамасыз етеді.

БЭВ—1

БЭВ—1 ауа тазартқышының қорабында желдеткіш жүйе болады, ол ас үйге өтпе жел келмеген жағдайда, оның ауасын тазартуға жәрдемдеседі. Аппарат қорабының төменгі жағы ауаны ыстан, майдың қоңырсыған иісінен т. б. тазартатын сүзгісі (аэрозольді сүзгі) бар қақпақпен жабылған. Ауа тазартқыш қорабының ішінде бактерицидтік сынап-кварцты лампа, жарық түсіретін шам мен басқару блогы орнатылады. Қораптың жоғарғы бөлігінде, бактерицидті лампаның үстінде ауаны газдан тазартуға арналған сорбент-катализаторы бар екі кассета болады. Ауа тазартқыштың алдыңғы бөлігі басқару блогының клавиштері орнатылған әсем панельмен қапталады. Оның плитаға қараған төменгі бөлігінде жылжымалы қақпақша болады. Ол іштен шыққан лас ауаны тұтқыш қызметін атқарады.

Желдеткіш іске қосылғанда

Желдеткіш іске қосылғанда ауамен бірге сорылатын аэрозольдер мен механикалық қоспалар сүзгі материалда (аэрозольді сүзгіде) тұнады да, содан кейін сорбент, катализатор арқылы өткенде ауа газдан тазарады. Ал бақтерицидті шамды (ультракүлгін сәуле көзі) қосқанда ауа стерилизацияланады. Бөлме ішіне осылайша тазартылған ауа жіберіледі. Ауа тазартқыштың желдеткіші ауаның жедел циркуляциясын тудыра отырып, ас үйдегі жылуды бірқалыпты таратады, бөлме қабырғасында бу конденсациясының түзілуін болдырмайды. Ауаны неғұрлым жақсы тазарту үшін тамақ дайындаған соң, ауа тазартқышты бактерицидті шаммен бірге іске қосулы күйінде 20-30 минут қалдыру керек. Ауа тазартқыш іске қосылып тұрғанда, тамақ дайындау қажет болмаса, газ плитасын жағуға болмайды. Себебі сүзгі материалдық, сырлы қабаттың және пластмасса детальдардың бүлінуі, сондай-ақ аппараттың қызып кетуі мүмкін.

Қолдану тәртібі

Жанып тұрған бактерицидті шамға тура қарауға болмайды, өйткені одан (ауа тазартқыштың төменгі қақпағын алып тастаған кезде) көзге зиян келуі мүмкін. Ауа тазартқыштың сүзгісіне шөккен заттарды ауық-ауық (алты айда 1 рет) тазартыл тұру керек. Тазалау шеберханада, қажет болған жағдайда, үй жағдайында жүргізіледі. Ол үшін ауа тазартқыштың қақпағын ашып, сүзгіш 2-3 сағат синтетикалық материалды жууға арналған ерітіндіге салып қою керек. Содан кейін сүзгішті мұқият шайып, еппен сығады. Кептіру үшін ылғалды сорып алатын матаның үстіне жайып, кепкен соң ауа тазартқыштың қақпағына серпінді қапсырмамең беттің, қақпақты орнына қояды. Сорбент катализаторды регенерациялау үшін оны пластмасса кассетадан жуылып тазартылған, кептірілген табақшаға ауыстырыл, плита духовкасының ортаңғы бөлігіне қою қажет. Осы күйде сорбентті 3-3,5 сағат бойы 250-300 СС температурада қыздыру керек. Қызған кезде сорбенттің зиянсыз болғанымен, тым жағымсыз иісі шығады. Сондықтан ас үйдің терезесін ашып, есікті жауып тастаған (мүмкіндігіне қарай алғашқы бір сағатта) жөн. Өңдеуден өткен сорбентті кассетаға салып, ауа тазартқышқа орнатады. Сорбент ретінде пайдаланылатын активтелген көмірді белгілі уақыттан кейін жаңасына алмастырады. БЭВ-1 (сорбентсіз) ауа тазартқышының салмағы 20 кг, мөлшері 550X600X250 мм. Тұтынатын қуаты 50 Вт, 220 В кернеуге есептелген.