Аудандық аумақтық басқарма

Аудандық аумақтық басқарма, 24.09.1999 жылы құрылған. Алғашқы басшысы — Ә.Тәтібаев (1999-2003). Басқарма аудан аумағында жануарлардың аса қауіпті ауруларының профилактикасы (ветеринария бөлімі); аудан көлемінде малдарды асылдандыру жұмысын ұйымдастырады және қадағалайды (асыл тұқымды мал шаруашылығы бөлімі); дәнді дақылдар өнімдерін сұрыптау (тұқым жөніндегі бөлім); ауыл шаруашылығы дақылдарының аурулары мен зиянкестеріне және арам шөптеріне қарсы күрес жұмыстарын ұйымдастыру (өсімдіктер карантині бөлімі); ауыл шаруашылығы технологиясын ведомостволық бағыныштылығына, меншік нысанына қарамастан есепке алу, тіркеу, тиісті құжаттар мен мемлекеттік номер белгілерін беруді жүзеге асыру (мемлекеттік техникалық қадағалау бөлімі) және жоғарыда аталған салалар бойынша ҚР заңдарының, нормативтік-құқыктық актілерінің орындалуын бақылау жұмыстарын жүргізеді.