Аудандық балалар саз мектебі

Аудандық балалар саз мектебі, Ш.Қалдаяқов атындағы —мәдени мекеме. 16.8.1973 жылы құрылған. Алғашкы директоры - Г.Қасымбекова. 25.10.1990 жылы Ш.Қалдаяқов есімі берілді. Алғашқы оқу жылында домбыра, баян, аккордеон, фортепиано бөлімдері ашылып, онда 30 оқушыға 3 маман-ұстаз сабақ берген. 2000 жылдан 6 түрлі бөлім (домбыра, баян, фортепиано, қобыз, ұжымдық хор, ән айту) бойынша дәріс беріледі. Сонымен қатар, мектептің 3 филиалы жұмыс істейді. Аудандық балалар саз мектебінің халық аспаптар оркестрі Қоркыт атаның 1300 жылдығы (1999), Құрманғазының 175 жылдығы мерейтойларына орай өткізілген оқушылардың облысы байқауларының лауреаты. Хор ұжымы 35-облысы байкауында II дәрежелі (2001), халық аспаптар оркестрі 37-облысы байқауында III дәрежелі дипломдарымен марапатталған. Мектептің түлектері — Б.Тұрғараев, А.Әбу, А.Мамытова, Ә.Ермұратов, т.б. республикалық конкурстардың лауреатгары.