Аудандық орталық аурухана

Аудандық орталық аурухана — емдеу мекемесі. 1935 жылы 25 төсектік аурухана ретінде Темір аулында ашылған. Орталық аурухананың Шәуілдір аулындағы қазіргі ғимараты 1972 жылы берілді. Алғашкы бас дәрігері — Сергеева. Бүгінгі күні 150 төсектік, 7 клиникалық бөлім жұмыс істейді. Хирургия, терапия, перзентхана, балалар бөлімі, жұқпалы аурулар, тері аурулары, емхана және жедел- жәрдем бөлімдерінде 35 дәрігер, 175 орта буынды, кіші буынды кызметкерлер аудан халқына медициналық қызмет көрсетеді. Емхана бір мезгілде 250 ауру қабылдай алады.