Ауылдық қоныстану

Ауылдық қоныстану - қалалық жерден тыс аумақтардағы тұрақты немесе уақытша тұруға арналған әр түрлі типті ауылдық елді мекендердің жиынтыгы түріндегі халықтың өмір сүруін аумақтық ұйымдастырудың түрі. Ауылдық қоныстану - халық қоныстануының тарихи қалыптасқан екі түрінің (қалалық және ауылдық) бірі. Ауылдық қоныстану қалалык қоныстанудан өзінің шаруашылық салаларында басқадай функция атқаруымен (ауыл шаруашылығы өндірісі, орман шаруашылығы, табиғат қорғау), мекендер мөлшерінің айтарлықтай кішілігі мен, мекен торларының тым жиілігімен, қора-қопсылы 1—2 қабатты үйлердің көп болуымен, бір үйден ғана тұратын мекендердің (фермерлік, хуторлық; ормандық күзеттер және тағы да басқалары), кіші көлемді (100— 200 адамдық) мекендердің көптігімен ай- қындалады.