Ахмеджан Насырұлы Қадыров

Ахмеджан Насырұлы Қадыров - 1935 жылы 12 қазанда Алматы қаласында туған. ¥йғыр. Әкесі - Қадыров Насыр, заңгер болған. Анасы - Қадырова Нұрниса, қоғамдық тамақтану саласының қызметкері болған. А.Н. Островский атындағы Ташкент көркем театр институтын бітірген (1962), театртанушы. Өнертану кандидаты (1973), докторы (1975). Докторлық диссертациясының тақырыбы: «¥йғыр театры». Профессор (1976 жылдан). «Орнығу жылдары» (1976), «Пьесалар» (1978), «¥йғыр кеңес театры» (1978), «Театр және уақыт» (1980), «Театр кездесулері» (1975), «Ахмет Шамиев - театр және кино актері» (2008), «Театр афишасының алдында» (2008), «3-ші қоңыраудан кейін» (2008) кітаптарының; «¥йғыр кеңес әдебиеті» (1979), «¥йғыр халқының тарихы мен мәдениеті бойынша материалдар» (1983), «Сәбит Оразбаев» (1983), «Ыдырыс Ноғайбаев» (1985), «Фарида Шәріпова» (1987) ұжымдық монографияларының; «Театр беттері» (1976), «Бүкіл өмір музыкада» (1978), «Құддыс Қожамьяров» (2 бөлімде, 1988), «¥йғыр театры» (1976), «Театр сезінулері» (8 бөлімде, 1988) ғылыми-танымал фильмдері сценарийлерінің авторы. ¥йғыр, қазақ, орысжәне неміс (сөздіктің көмегімен) тілдерін біледі. 1955 жылдан - аудандық Мәдениет үйінің көркемдік жетекшісі (Алматы облысы ¥йғыр ауданының Шонжы ауылы). 1956жылдан - Алматы облысы ¥йғыр ауданы Подгорное ауылының ауылдық клуб меңгерушісі. 1957 жылдан - А.Н. Островский атындағы Ташкент көркем театр институтының студенті. 1962 жылдан - ҚазКСР Мәдениет министрлігі аппаратының қызмөткері. 1966 жылдан - Ғ. Мүсірепов атындағы Қазақ академиялық балалар мен жасөспірімдер театрының әдеби бөлімінің меңгерушісі. 1968 жылдан - ҚазКСР ҒА Тілтану институты ұйғыртану бөлімінің аға ғылыми қызметкері. 1986 жылдан - ҚазКСР ҒА ¥йғыртану институты әдебиет және өнер бөлімінің меңгерушісі. 1990 жылдан - ҚазКСР Мәдениет министрлігі Оқу орындарының бас басқармасы бастығының орынбаса- ры. 1992 жылдан - Т. Жүргунов атындағы Қазақұлттық өнер академиясының театртану кафедрасының меңгерушісі. 1994 жылдан бері - Т. Жүргенов атындағы Қазақ ұлттық өнер академиясы театртану кафедрасының профессоры; 2010 жылдан бері - Қ. Қожамияров атындағы Республикалық мемлекеттік ұйғыр музыкалық комедия театрының көркем жетекшісі. ҚР ҒА диссертациялық кеңесінің, «Мәдениет» журналы редакциялық алқасының, Қазақстан Театр қайраткерлері одағы басқармасының, Ғ. Мүсірепов атындағы Қазақ мемлекеттік академиялық балалар мен жасөспірімдер театры көркем кеңесінің мүшесі. «Илһам» сыйлығының лауреаты (2005). Халықаралық Еуропа университетінің «Алтын бүркіт» (Германия, Ганновер, 1975), II дәрежелі «Достық» (2010) ордендерімен марапатталған. ҚР Еңбек сіңірген өнер қайраткері (1995). Президенттік стипендия стипендиаты (2005, 2006, 2007). Діни көзқарасы - діндар. Саяси қайраткер ретіндегі идеалы - Н.Ә. Назарбаев. Қазақстанның болашағы туралы болжамы - «Халықаралық кеңістікте шешуші рөл ойнайтын және әлемдік өркениетте лайықты орынға ие болатын қуатты мемлекет». Хоббиі - әдебиет, музыка, кескіндеме және театр. Сүйіп оқитын әдебиеті - поэзия. Үйленген. Жұбайы - Мұралиева Әсиям Таипқызы, кітапханашы. ¥лы - Қадыров Ришат Ахмеджанұлы, қызы - Қадырова (Зайцева) Ләйля Ахмеджанқызы.