Ахметбек Мұратұлы Бекетаев

Ахметбек Мұратұлы Бекетаев (6.11.1919 жылы туған, Қызылорда облысы Қазалы қаласы) – медицина ғылым докторы (1977), профессор (1979). Алматы мемлекеттік медицина институтын (1942, қазіргі Қазақ ұлттық медицина ун-ті) бітірген. 2-дүниежүз. соғысқа қатысқан 1946–1980 жылы Қазақстан ғылым академиясының Физиол. ин-тында кiшi, аға ғыл. қызметкер, лаборатория меңгерушiсi, директордың ғыл. жұмыстар жөнiндегi орынбасары (1956–1980) қызметтерін атқарды. 1980 жылдан ҚазПИ-де (қазіргі ҚазҰПУ) адам және жануарлар анатомиясы мен физиологиясы кафедрасының проф. Негiзгi ғыл. еңбектерi қан айналысы физиологиясына арналған. Бекетаев лимфа түзiлуi мен лимфа айналысының нервтiк және қан арқылы реттелу механизмiн зерттедi. 2-дәрежелi Отан соғысы орденiмен, көптеген медальдармен марапатталған.