Ахметбек Әлпекұлы (Қисықұлы)

Ахметбек Әлпекұлы - Моңғолия мемлекетік еңбек сіңірген өнер қайраткері, Моңғолия композиторлар одағының (сазгерлер) мүшесі, Моңғолия қазақтарының «Сыбызғы домбыраға арналған күйлері» кітабы редакторы. 1958-1962 жылдар аралығында Мәскеуде Чайковский атындағы консерватория қасындағы музыкалық училищені композитор және хормейстр мамандығымен бітіріп, театрда оркестр дирижері, хормейстр болып жұмыс істеді. Ленинградтағы Римский-Корсаков атындағы консерваторияның Хормейстр және Опера дирижері класында оқып, профессор Рабинович, Тилзе, Михайлов сияқты атақты дирижерлерден дәріс алып, соңынан 1967-1972 жылдарды Қазақ ССР-ның Құрманғазы атындағы корсерваториясында оқып, оны оркестр дирижері және теориялық пәндердің оқытушысы деген мамандықпен бітірді. 1991 жылы Қазақстанға Талдықорған облысы, Талдықорған қаласына қоныстанып, Талдықорған облысының М. Төлебаев атындағы филармонияның оркестрін ашуға атсалысып, оркестр дирижерін 7 жыл, І. Жансүгіров атындағы Жетісу мемлекеттік университетінде 1992-жылдан 9 жыл аға оқытушы, Жетісу халық аспаптар оркестрінің жетекшісі әрі дирижері, және Қ. Байсейітов атындағы училищеде ұстаздық қызметтерін атқарды. «Тәуелсіз Қазақстан» хор, «Қаракерей Қабанбай» ерлер ансамблі, «Тәуелсіз Қазақстан» оркестрға арналған поэмасы, «Жерұйық» оркестрға арналған шығармасы, «Туған жер» қыздар ансамблі, «Туған жерін сағынбайтын жан бар ма?» жеке әні, «Қыздар гүлге құмар ма?», «Айбала» жеке әндері, «Университет композиторларының ән-күй шығармаларының жинағы» кітабы, Көбес Ақылбайұлының 30-дай ән – күйлеріне клавирь жасап, баспаға дайындады.

Ахметбек Әлпекұлы

Музыкалық шығармалары

1. Сырғалы толқыны (Төлеубаймен бірге);
2. Адуучин (Цэрэвпен бірге);
3. Фантазия;
4. Дөрвөд Рапсодиясы;
5. Мерекелік увертюра;
6. Вальс варияция;
7. Баярын удиртгал;
8. Жерұйық.

Музыкалық драмалары

1. Ғ. Мүсірепов «Ақансері-Ақтоқты» музыкасы;
2. Қ. Сіләм «Гүлжан» музыкасы;
3. Д. Гомбосүрэн «Хуурын эгшиг» музыкасы;
4. Д. Мягмар «Эрдэмтний яриа» музыкасы.

Қазақ оркестріне арнап түсірген классикалық жанр композиторларының шығармалары

1. Дамдинсүрэн «Жұмбақ төбелер» операсының жаңа нұсқасы;
2. Хасбаатар «Симфониялық поэма»;
3. Чулуун «Уран хас» балетінің увертюрасы;
4. Чойдог «Найрамдлын удиртгал»;
5. Моцарт «Фигароның үйленуі» операсының увертюрасы;
6. Шуберт «Музыкальный момент»;
7. Шуман «Бодол»;
8. Ж. Бизе «Кармен» операсының увертюрасы;
9. Бетховен «Эккессозі»;
10. Бетховен ІV-симфониясының финалы;
11. Брамс «Венгер биі».

Марапаттары

Алтын жұлдыз орденінің иегері, 40, 60, 70 жылдық медальдарымен сыйланған. Моңғолия мәдениетінің озат қызметкері, 30-дан астам мақтау грамота иегері, Баян-Өлгей аймағының құрметті азаматы. Талдықорған облысы әкімінің құттықтау грамотасымен марапатталған. Қазақстан Республикасы Білім және Ғылым министрлігінің құрмет грамотасын иеленген, Қазақстанның «Жаңа ғасырға жаңа ән» конкурсінің дипломанты атанып, «Қазақстанға сіңірген ерекше еңбегі үшін» зейнетақы алды.