Ахметкерей Жәңгірұлы Бөкеев

Ахметкерей Жәңгірұлы Бөкеев (1838 - өлген жылы белгісіз, Ялта) - полковник, Жәңгір ханның баласы. Петербург Императорлық паж корпусын бітірген. Ресей армиясында қызметте болды. 1870 ж. оған князьдік лауазым беріліп, Самар губерниясы бойынша тіркелді. Жеке гербі белгіленіп, мемлекеттік Гербовниктің 12-бөліміне енгізілді. Қазақты басқару ісіне тікелей араласпаса да Орынборға, Ордаға келген сапарларында қазақ балаларының гимназияда қазына есебінен оқуына жердемдесті. 1878 ж. отставкаға шықты. «Дала уәлаяты» газеті 1891 ж. Ахметкерейдің Уфада тұратынын жазған. Өмірінің соңғы жылдары Ялтаға қоныс аударған.