Ахметші Асанов

Ахметші Асанов(1886, Сарыағаш ауданы Шеңгелді ауылы – 1975, сонда) – Cоциолистік Еңбек Ері (1948), озат шопан. 1929 – 41 ж. Ленин атындағы шаруашылық артелінде қатардағы колхозшы, 1941 – 44 ж. «Дарбаза» кеңшарында аға шопан болды. 1947 ж. 100 саулықтан 126-дан қозы алып, қаракөл елтірісінің 85%-н бірінші сортпен тапсырғаны үшін КСРО Жоғарғы Кеңесі Президумы 1948 ж. 23 шілдедегі Жарлығымен Cоциолистік Еңбек Ері атағын берді. 1956 ж. мамырда Қазақ КСР мал шаруашылығының еңбек сіңірген шебері атағы берілді. Ол екі Ленин орденімен және Бүкілодақтық ауылы шаруашылығы көрмесінің үш медалімен марапатталған.