Ахмет Наурызұлы Ғұбайдуллин

Ахмет Наурызұлы Ғұбайдуллин 1960 жылы 5 наурызда Батыс Қазақстан облысы Орда ауданының Саралжын ауылында туған. Қазақ. Әкесі - Ғұбайдуллин Наурыз, марқұм. Анасы - Тіліпова Рауза Мәжитқызы, марқұм. Алматы сәулет-құрылыс институтының жылу-газ жабдықтау және желдету факультетін бітірген (1985), инженер- құрылысшы.

Ахмет Наурызұлы Ғұбайдуллин
Дүниеге келгені:	1960 наурыз Батыс Қазақстан облысы Орда ауданының Саралжын ауылы
Мансабы:	Батыс Қазақстан облысы Мемлекеттік сәулет-құрылыс бақылауы басқармасының бастығы

Қазақ және орыс тілдерін біледі. «Нұр Отан» ХДП мүшесі (2007 жылдан). 1977 жылдан - Орал облысы Орда ауданының Құрманғазы атындағы кеңшарында құрылысшы. 1980 жылдан - Алматы сәулет-құрылыс институтының студенті. 1985 жылдың тамызынан - Орал облысы Орда ауданы Т. Масин атындағы кеңшарының күрделі құрылыс шебері, 1985 жылдың қарашасынан - құрылыс инженері. 1995 жылдан - «Т. Масин» АҚ директорының орынбасары. 1997 жылдың маусымынан - БҚО Орда ауданы «Парасат» шаруа қожалығының жетекшісі. 1997 жылдың қарашасынан - БҚО Орда ауданы Көктөбе ауылдық округының әкімі. 2001 жылдан - БҚО Бөкейордасы ауданы әкімінің орынбасары. 2002 жылдан - ҚР Индустрия және сауда министрлігі Құрылыс істері жөніндегі комитетінің БҚО бойынша Сәулет- құрылыс бақылауы, инспекциялау және лицензияландыру басқармасының бас маманы (Орал қ.). 2005 жылдан - БҚО Мемлекеттік сәулет-құрылыс бақылауы басқармасы құрылыс сапасын бақылау бөлімінің бастығы, 2006 жылдан - бас маманы, 2008 жылдың қаңтарынан - Мемлекеттік сәулет-құрылыс бақылауы басқармасы бастығының орынбасары. 2008 жылдың қазанынан бері - Батыс Қазақстан облысы Мемлекеттік сәулет-құрылыс бақылауы басқармасының бастығы.

Саяси қайраткер ретіндегі идеалы - Н.Ә. Назарбаев. Қазақстанның болашағы туралы болжамы - «Қазақстан - 2030» стратегиясын жүзеге асыру». Хоббиі - спорт, кітап жинау. Сүйіп оқитын әдебиеті - детектив жанры, романдар. Үйленген. Жұбайы - Ғұбайдуллина Кпара Бақтығалиқызы, үй шаруасында. Ұлдары - Ғұбайдуллин Азамат Ахметұлы, Наурыз Ақтілек Ахметұлы; қызы - Ғұбайдуллина Индира Ахметқызы.