Ахмет Оспанұлы Мұса

Мұса Ахмет Оспанұлы (26 желтоқсан 1933, Омбы облысы, Омбы ауданы Ахмет ауылы) — тіл білімі маманы, филология ғылымы кандидаты, доцент.

Өмірбаяны

Абай атындағы Алматы педагогикалық институтын бітірген (1957). 1957- 1958 ж. Солтүстік Қазақстан облысы, Петропавл ауданы, Асаново стансасында орта мектеп мұғалімі. 1958-1961 ж. Алматы облысы, Жамбыл ауданы, Үңгіртас мектеп- интернатында орыс тілі мен орыс әдебиеті пәнінің мұғалімі, тәрбиешісі, Алматы облысы оқу бөлімінде сектор бастығы. 1961-1981 ж. ҚазКСР ҒА М. Әуезов атындағы әдебиет және өнер институтында кіші ғылыми қызметкер, институттың ғалым-хатшысы. 1981-1990 ж. Қазақ энциклопедиясы бас редакциясының бірінші орынбасары. 1990 жылдан осы күнге дейін Қазақ мемлекеттік басқару академиясының практикалық қазақ тілі кафедрасының меңгерушісі. Ғылыми еңбектерінің негізгі салалары: әдебиеттану, ТМД халықтары әдебиетінің өзара байланысы, қазақ тілі және қазақ тілін оқыту әдістемесі, жоғары оқу орындарының орыс тілді студенттеріне қазақ тілін үйрету.

Отбасы

Жұбайы – Рената Серәліқызы Қожамқұлова.

Баласы – Асқар Ахметұлы Мусинов, қазақ дипломаты.

Шығармалары:

• Қазақ тілін үйренеміз. А., 1992-1994;
• Ускоренный курс казахского языка для начинающих. А., 1992, 1994;
• Қазақ тілі. Оқулык.А., 1995; Мен қазақша сөйлеймін. Окулық. А., 1996.