Ахтанова Сара

Ахтанова Сара (1935, Түркістан облысы). Геология-минералогия ғылымдарының кандидаты (1969). Қазақ кен-металлургия институтын бітірген (1957). 1957-1967 жылдары - Жезқазған геологиялық-барлау экспедициясының аға коллекторы, геологы, Индер геологиялық-барлау экспедициясының инженер-геологы, Қазақтың геологиялық-барлау ғылыми-зерттеу институтының кіші ғылыми қызметкері, аға ғылыми қызметкері, бөлім бастығы. 1967-1978 жылдары - Қазақтың геологиялық-барлау ғылыми-зерттеу институты Ақтөбе филиалының аға ғылыми қызметкері, Қазақстан КП Ақтебе қалалық комитетінің хатшысы. 1978-1985 жылдары - «Қазгеофизика» тресі тақырыптық партиясының басшысы. 1985-1995 жылдары - «Ембімұнайгеофизика» ӨБ кәсіподақ комитетінің терайымы. 1995 жылдан - дербес зейнеткер. «Құрмет белгісі» орденімен және медальдармен марапатталған.