Аян Төлеубайұлы Тұрарбеков

Аян Төлеубайұлы Тұрарбеков. 1973 жылы 3 қарашада Талдықорған облысы Андреев ауданының Жыланды ауылында туған. Қазақ. Әкесі - Тұрарбеков Төлеубай, инженер. Анасы - Тұрарбекова Шарбану, Алакөл СЭС зертханашысы. Әл-Фараби атындағы Қазақ мемлекеттік университетінің хылықаралық қатынастар факультетін (1996) халықаралық қатынастар маманы, екі шет тілін меңгерген елтанушы мамандығы бойынша; Қазақ гуманитарлық-заң университетінің заң факультетін (2005) заңгер мамандығы бойынша бітірген. Қазақ, орыс, неміс және ағылшын тілдерін біледі. 1996 жылдан - ҚР СІМ Еуропа және Америка елдері департаментінің референті, атташесі. 1999 жылдан - ҚР СІМ Екі жақты ынтымақтастық департаментінің ушінші хатшысы, екінші хатшысы. 2001 жылдан - Австрия Республикасындағы ҚР Елшілігінің ушінші хатшысы (Вена қаласы). 2003 жылдың қаңтар айынан - ҚР Қауіпсіздік кеңесі хатшысының көмекшісі. 2003 жылдың тамыз айынан - ҚР Президенті Әкімшілігінің Ішкі саясат бөлімінің бас сарапшысы. 2004 жылдан - ҚР Президенті Әкімшілігінің әлеуметтік-саяси белімінің бас сарапшысы. 2005 жылдан - ҚР Президенті Әкімшілігінің әлеуметтік-саяси бөлімінің сектор меңгерушісі. 2006 жылдан - ҚР Мәдениет және ақпарат министрлігі аппаратының жетекшісі. 2008 жылдан - ҚР Мәдениет және ақпарат министрлігі Ақпарат және мұрағаттар комитеті төрағасының орынбасары. 2008 жылдың шілде айынан бері - ҚР Премьер-министрі Кеңсесінің ақпараттық-талдау орталығының меңгерушісі. Мәдениет қайраткері (2008).

Әскери атағы - запастағы лейтенант.

Діни көзқарасы - дәстурлі мұсылман. Саяси қайраткер ретіндегі идеалы - Н.Ә. Назарбаев, М.К. Ататүрік, Д. Сяопин, М. Мохаммад. Қазақстанның болашағы туралы болжамы - «Бәсекеге қабілетті, өнеркәсібі дамыған, өркендеген». Хоббиі - балық аулау. Сүйіп оқитын әдебиеті - ғылыми фантастика. Үйленген. Жұбайы - Тұрарбекова Айнель Ұлжабайқызы, «НИТ» АҚ бас маманы. Балалары - Әділет, Асанәлі.[1]

Дереккөздер өңдеу

  1. Қазақстан Республикасында кімнің кім екені - 2011 жыл. Екі томдық анықтамалық. Алматы, 2011 ІSВN 978-601-278-473-2