Ағаулар (өз атауы агав) — Эфиопияның солтүстігіндегі кушит халықтарының тобы: Авийя – Гана көлінің оңтүстігінде; кайла, куара, кемант, т.б. - Тана көлінің жағасында; камир мен камта – Ласта аймағында; бого немесе билин - Кэрэн қаласының ауданында. Жалпы саны 809 000 адам (2000).

ТіліӨңдеу

Эфиопиялық өтпелі нәсілге жатады. Тілдері ағау тобына жатады. Амхар және тиграй тілдері де кең таралған.

 
Ағау әйелдері

ДініӨңдеу

Ағаулар негізінен христиандар, кейбірі иудаистер және жергілікті синкреттік дінді ұстанушылар кездеседі.

ТарихыӨңдеу

3-6 ғасырларда ағаулар Тигр үстіртінің оңтүстігінде княздық құрды. 10 ғасырда басқа князьдіктер пайда болып, иудаизмді қабылдаған солтүстік-батыс агау-фалаша мен шығыс агау-христиандар (камир мен камтаның ата-бабалары) арасында күрес басталды. 14-16 ғасырларда ағауларды христиандандыру жалғасты. 18-19 ғасырларда амхара және тиграй халықтарының барлық ағау топтарымен ассимиляциялауы күшейді.

КәсібіӨңдеу

Негізгі кәсібі – беткейлер мен тау бөктерлерінде егіншілік, сонымен қатар ірі және ұсақ мал өсіру және ара шаруашылығы.[1]

ДереккөздерӨңдеу

  1. Энциклопедия народов мира. Агау