АҚШ әскері

АҚШ әскері немесе АҚШ әскери құрлық күштері (ағылш. United States Army) — құрлықтағы әскери операцияларға жауап беретін АҚШ қарулы күштерінің түрі. АҚШ-тың құрлықтағы әскерінің құрамында 535 000 сарбаз бар, ішінде соғыс алаңында болып, тәжірибе жиғандары да жетерлік. Олар жаңа қару-жарақтармен жабдықталған.

АҚШ әскери құрлық күштері ағылш. United States Army
Америка Құрама Штаттары Әскери күш-қуатының белгісі Әскери күш-қуат жұлдызының логотипі Америка Құрама Штаттары Әскери күш-қуатының белгісі
Белсенді	14 маусым 1775 жылы
Мемлекет	АҚШ
Бөлімшесі	АҚШ Қарулы Күштері
Түрі	Әскери күш-қуат
Рөлі	Жер соғысы Жалпы әскери күрес Сауытты танк әскерлері Әуе-десант әскері
Мөлшері	Тұрақты армияның 485 000 әскери қызметшісі (2021 жыл). Ұлттық ұланның 336 000 әскери қызметшісі (2021 жыл). 189 500 әскери қызметші (2021). барлығы 1 005 725 адам. 252 747 азаматтық қызметкер (2020 жылғы 30 Қыркүйек) барлығы 1 258 472 4406 басқарылатын ұшақ
Гарнизон / Бас штабы	Пентагон
Ұраны	«Мұны біз қорғаймыз»
Colors	Қара, алтын және ақ
Вебсайты	https://www.army.mil/

АҚШ әскерінің эмблемасы

АҚШ-тың қорғаныс күшінің 10 әскери дивизиясын сансыз әскери бригадалар қолдап отырады. Әр дивизияда 3 бронетанкті бригада, механикаландырылған жаяу әскер, жеңіл қаруланған жаяу әскер, брондалған әскери «Stryker» көлігінің бригадасы, әуе-десанттық бригада мен әуе-шабуылдау бригадасы, сонымен қатар, бір авиация және артиллерия бригадасы бар. Әр бөлімшеде 14000-нан 18000-ға дейін әскери қызметкер бар.

Бұл қарулы әскер АҚШ президенттері Картер мен Рейганның кезінде жасалған «Үлкен бестік» (Big 5) атты қаруландыру жүйесін қолданады. Аталған жүйенің құрамында әскери «M1 Abrams» танкі, әскери «M2 Bradley» көлігі, «AH-64 Apache» тікұшағы, реактивті ракеталарды ұшыратын «M270» қондырғысы мен зинит-ракетаға арналған «Patriot» қондырғылары 30 жыл бойы жұмыс істеп келе жатыр. АҚШ-тың арнайы жасағына үш диверсиялы-барлаушылар батальоны, арнайы қаруланған жеті топ пен «Дельта» (Delta Force) арнайы жасағы кіреді. АҚШ әскерінің арнайы операцияларға бұйрық берушілерінің (Army Special Operations Command) саны - 28 500. .

Тарихы

АҚШ-тың әскери базаларының өткен тарихына үңілетін болсақ, ол сонау ХІХ ғасырдан бастау алады. 1898 жылы АҚШ Испаниямен соғыса отырып Филиппин, Мариан аралын, Куба және Пуэрто-Риконы тартып алды һәм сол елдерде алғашқы әскери базаларын құрды.