Ақбұлым ауылдық округі
Ақбұлым ауылдық округі – Жамбыл облысы Жамбыл ауданындағы әкімшілік бірлік.
| Қазақстан ауылдық округі | |
| Ақбұлым ауылдық округі | |
| Облысы | |
|---|---|
| Ауданы | |
| Округ орталығы | |
| Енеді |
1 ауыл |
| Тұрғыны (2021) |
▲3857 |
| Уақыт белдеуі | |
| Автомобиль коды |
08 |
Әкімшілік құрамы
өңдеуҚұрамына Ақбұлым ауылы кіреді. Орталығы – Ақбұлым ауылы.[1]
| Елді мекен | 2009 | 2021 | 2021 2009-ға пайызбен | Ерлер 2009 | Ерлер 2021 | 2021 2009-ға пайызбен | Әйелдер 2009 | Әйелдер 2021 | 2021 2009-ға пайызбен |
|---|---|---|---|---|---|---|---|---|---|
| Ақбұлым ауылы | 3084 | ▲3857 | 125,1 | 1512 | ▲1925 | 127,3 | 1572 | ▲1932 | 122,9 |
Жер телімі 2200 га. Ауылдық округте Бесбаев атындағы орта мектеп, "Балауса" балабақшасы, дәрігерлік амбулатория, ауылдық клуб, кітапхана, әртүрлі сәндік ағаштары егілген сәндік саябақ бар. Ауылдық округ аумағында Бұхарадан Алматыға газды айдайтын, сақтайтын Тараз Газ Құбырлары Желісі басқармасы орналасқан.
Ауыл маңы табиғаты
өңдеуБазарбай каналы ауылдың жоғарғы жағынан ағып өтсе, Төрекелді каналы ауылдың төменгі жағымен ағып өтеді. Төрегелді каналына қысы-жазы ауылдың басындағы үлкен бұлақтан (беларық) су құйылып тұрады. Алатаудың сілемі Қарасай шатқалының етегінде, теңіз деңгейінен 670 м. биіктікте Базарбай және Төрекелді (Байзақ датқаның ұрпақтары) - ХІХ ғасырдың ортасында егін егіп, отырықшылыққа үйрету мақсатында Талас өзенінен бұрып екі беларық қаздырған. Каналдардың суымен қазіргі кезде Тараз қаласының қант, кірпіш зауыттары маңындағы және Жамбыл ауданының Ақбұлым ауылы, Байзақ ауданының егістіктері толығымен суарылады. Қамысты бұлақ - тау шатқалының ішінде жан-жағын қамыс басқан бұлақ суы көбейе келе "Қамысты көл" атанған, қазіргі кезде суы тартылған, бірақ, бұлақ ағып жатыр.
Сарыбұлақ - (бұлақ маңы сары тастар, жері сарғыш болғандықтан осылай аталған) суы мол бұлақ, бұлақ маңында шаруа қожалығы алма бағын өсіріп отыр. Ақыртас - құрылысы бітпей қалған тарихи орын. Ботамойнақ үңгірі - бұл да тарихи орын. Ботамойнақ үңгіріндегі сызбалар ма, әлде таңба ма деген сұраққа жауап іздесек, бұл Орхон-Енисей жазбаларынан ерте пайда болған жазбалар болуы мүмкін. Бұл жазбалар және үңгір түбінен шыққан заттар кешенді зерттеуді қажет етеді. Жетітөбе сақ патшаларының қорғандары - бір сызықтың бойындағы жеті қорған, кезінде ұрланған, тоналған қорымдар. Қамыстыбұлақ шатқалы - зерттелмеген орын. Шатқалдың жартастарында жирафтың, тотықұс пен бегемот, жыланның тасқа қашап салынған суреттері айқын көрінеді. Сонда тропикалық және саваннаның жануарларының суреті біздің жерде қайдан жүр?... Қарауылтөбе - ол төбе жаугершілік заманда белгі беру төбесі болуы мүмкін. Қарасай шатқалы - ауыл маңындағы ашық аспан аясындағы мұражай десе болғандай, тау шатқалында ертедегі ата-бабалар салған адамдар мен түрлі жан-жануарлардың көне суреттерін көруге болады.[3]
Дереккөздер
өңдеу- ↑ «Қазақстан»: Ұлттық энциклопедия / Бас редактор Ә. Нысанбаев – Алматы «Қазақ энциклопедиясы» Бас редакциясы, 1998 жыл. ISBN 5-89800-123-9, X том
- ↑ 2021 жылғы ұлттық халық санағының қорытындылары
- ↑ Жамбыл облысының топономикалық атауларының анықтамалығы