Ақыл Иманәліұлы Құланбаев

Ақыл Иманәліұлы Құланбаев (1 қаңтар 1929 жылы туған, Алматы облысы Жамбыл ауданы Қарақастек ауылы) — актер, педагог, КСРО-ның құрметті радиошысы (1980).

Ақыл Иманәліұлы Құланбаев
Жалпы мағлұмат
Туған күні	1 қаңтар 1929 (1929-01-01) (95 жас)
Туған жері	Қарақастек, Жамбыл ауданы (Алматы облысы), Алматы облысы, РКФСР
Азаматтығы	Қазақстан  КСРО (1929-1991)
Мамандығы	актер, педагог
Белсенді жылдары	1978-1998

Өмірбаяны

Алматы театр училищесін (1948), Мәскеу театр өнері институтының қазақ студиясын бітірген (1954).

Қазақ академиялық балалар мен жасөспірімдер театры құрамында (1948 - 1951), 1954 - 1961 ж. Қазақ академиялық драма театры труппасында актер, 1961 - 1991 ж. Қазақ радиосында режиссер, бас режиссер болды.

1955 - 1960 ж. Алматы консерваториясында (қазіргі Қазақ ұлттық консерваториясы) педагог қызметпен айналысты.

Рөлдері

Құланбаев театр сахнасында ойнаған рольдері: Өзбек, Есен, (М.Әуезовтің "Айман - Шолпаны" мен "Еңлік -Кебегінде"), Қодар (Ғ.Мүсіреповтің "Қозы Көрпеш – Баян Сұлуында"), Арман (Ә.Тәжібаевтың "Жалғыз ағаш орман емесінде"), Транио, Протей (У.Шекспирдің "Асауға тұсауы" мен "Вероналық екі бозбаласында"), т.б.

1940 жылдан киноға түскен ("Райхан" фильмінде Баланың ролін ойнады).