Ақынқали Дәуітбайұлы Дәрменов

	Ақынқали Дәуітбайұлы Дәрменов;
Лауазымы
Өмірбаяны
Білімі	ҚР ІІМ Алматы жоғары мектебі
Ғылыми дәрежесі	заң ғылымдарының кандидаты
Дүниеге келуі	18 наурыз 1978 (46 жас); Боровское кенті, Меңдіқара ауданы, Қостанай облысы, Қазақ КСР
Сайты	https://kpa.gov.kz/kz/
Әскери қызметі
Атағы	полиция генерал-майоры
	өңдеу

Ақынқали Дәуітбайұлы Дәрменов (18 наурыз 1978, Боровское кенті, Меңдіқара ауданы, Қостанай облысы, Қазақ КСР) — полиция генерал-майоры^[1], заң ғылымдарының кандидаты. 2019 жылдың қаңтарынан бастап Қазақстан Республикасы Ішкі істер министрлігі Б.Бейсенова атындағы Қарағанды академиясының басшысы^[2].

Өмірбаяны

1978 жылы 18 наурызда Қостанай облысы Меңдіқара ауданы Боровское ауылында дүниеге келген. 1995 жылы Қазақстан Республикасы Ішкі істер министрлігінің Алматы жоғары мектебіне оқуға түсіп, одан кейін Қостанай облысы Меңдіқара аудандық ішкі істер бөлімінің ПБ тергеушісі болып қызмет атқарды. 1999 жылдың қыркүйегінен 2000 жылдың қазанына дейін — Қазақстан Республикасы Ішкі істер министрлігі Қостанай заң институтының қылмыстық құқық және криминология, қылмыстық-атқару құқығы кафедрасының оқытушысы. 2000 жылдың қазанынан 2003 жылдың сәуіріне дейін — ҚР ІІМ Академиясының қылмыстық-құқықтық саясат және криминология кафедрасының адъюнктурасы. 2003 жылдың сәуірінен 2006 жылдың қарашасына дейін ҚР ІІМ Академиясының Ғылыми-зерттеу институтында ұйымдасқан қылмысқа, терроризмге және діни экстремизмге қарсы күрестің өзекті мәселелерін әзірлеу зертханасының ғылыми және аға ғылыми қызметкері болып жұмыс істеді. 2006 жылдың қарашасынан 2010 жылдың наурызына дейін — ҚР ІІМ Академиясының адъюнктура бөлімінің бастығы. 2010 жылдың наурызынан қазанына дейін — ҚР ІІМ Академиясының докторантура кафедрасының доценті болды.

2010 жылдың қазанынан 2012 жылдың наурызына дейін «Болашақ» бағдарламасы бойынша Кембридж университетінде (Ұлыбритания) «Сот билігі, құқық қорғау органдары, Құқық қорғау қызметін ұйымдастыру» мамандығы бойынша білім алды. Оқуды аяқтаған соң Қазақстан Республикасы ІІМ Алматы академиясы Заң институты арнайы факультетінің жалпы заң пәндері кафедрасының доценті қызметін атқарды.

2013 жылдың сәуірінен 2014 жылдың маусымына дейін — Қазақстан Республикасы ІІМ Кадр жұмысы департаменті Мекемелік оқытуды ұйымдастыру басқармасының бастығы, 2014 жылдың маусымынан 2018 жылдың наурызына дейін — Қазақстан Республикасы ІІМ Теміртау қаласындағы Оқу орталығының бастығы болды. 2018 жылдың наурызынан 2019 жылдың қаңтарына дейін — Қазақстан Республикасы ІІМ Кадр саясаты департаментінің бастығы болды. 2019 жылдың қаңтарынан бастап — ҚР ІІМ Бейсенова Б. атындағы Қарағанды академиясының бастығы болып келеді.

Білімі

ҚР ІІМ Алматы заң институты («Құқықтану» мамандығы)
ҚР ІІМ академиясы
Д.Маршалл атындағы Еуропалық қауіпсіздік орталығы, Германия, Гармиш-Партенкирхен қ. («Leaders program in advanced sekurity studies» бағдарламасы бойынша оқыту)
Кембридж университеті, Ұлыбритания («Болашақ» бағдарламасы бойынша оқу)

Марапаттары және атақтары

Ішкі істер органдарындағы мінсіз қызметі және қол жеткізген табыстары үшін Қазақстан Республикасының және шет мемлекеттердің 15-тен астам мемлекеттік және мекемелік марапаттарына ие болды.

Қазақстан Республикасы Президентінің Жарлығымен келесі медальдармен марапатталды:

III дәрежелі «Ішкі істер органдарындағы мінсіз қызмет еткені үшін» медалі;
II дәрежелі «Ішкі істер органдарындағы мінсіз қызмет еткені үшін» медалі;
«Қазақстан полициясына 20 жыл».

Төсбелгілері:

«ҚР ІІМ мінсіз қызметі үшін»;
«ІІМ үздік қызмет үшін».

Дереккөздер

[1] Жоғары әскери және арнаулы атақтар, сыныптық шендер және біліктілік сыныбын беру туралы.

[2] «Бауырлар» туралы даулы видеодан кейін ІІМ академиясына жаңа басшы тағайындалды.

[1]

[2]