Аққала

 Басқа мағыналар үшін Аққала (айрық) деген бетті қараңыз.

Аққала - қыстыгүні қардан қаланатын пана, қора, ықтасын. Өрісте мал бағып жүрген қойшылар қар қалыңдап, әбден бекігеннен кейін әдетте аққала соғып соның ішінде паналаған. Бұрын теріскей жақтағы елді-мекендер боранды күндерде жатаған үйді, қора-қопсыны қар басып қалмау үшін таса, тосқауыл ретінде аққала соққан. Қар қалың, қасаттанып түскен кездері төбесі бар апан тәрізді етіп те жасаған. Аққор боран-шашында малға ық, малшыға пана, әр ауылдың өрісіне белгі болады.