Ақүрпек , (Lepіdolopsіs) – күрделігүлділер тұқымдасына жататын көп жылдық шөптесін өсімдік туысы. Қазақстанда 3 түрі бар, жиі кездесетіні – Түркістан Ақүрпегі (Lepіdolopsіs turkestanіca). Ол Қаратау мен Батыс Тянь-Шаньның тастақты, далалы тау беткейлерінде және құрғақ сай-салаларда өседі. Биіктігі 35 – 100 см, тамыр сабағы жуан. Сабақтары жеке, кейде бірнешеуден тік өседі. Ұзынша, шеті екі-үш рет тілімденген жапырақтары кезектесе орналасады. Гүлдері қос жынысты, сары түсті түтік тәрізді гүлдері масақты-сыпыртқы гүлшоғырын құрайды. Себеті өте көп (50-дан астам). Маусым – шілде айларында гүлдеп, жемістенеді. Голоскоков ақүрпегі өте сирек кездесетін өсімдік, қорғауға алынған.[1]

Ақүрпек
Ғылыми топтастыруы
Дүниесі: Өсімдіктер
Бөлімі: Гүлді өсімдіктер
Табы: Қос жарнақтылар
(unranked) Asterids
Сабы: Asterales
Тұқымдасы: Asteraceae
Кіші тұқымдасы: Asteroideae
Тайпасы: Anthemideae
Кіші тайпасы: Handeliinae
Тегі: Lepidolopsis
Poljakov
Екі-есімді атауы
Lepidolopsis turkestanica
(Regel & Schmalh.) Poljakov
Синонимдері
Батыс Тянь-Шаньның тастақты даласы

ДереккөздерӨңдеу

  1. Қазақстан Республикасының табиғаты туралы энциклопедия, V- том