«Ақ желкен» — жасөспірімдерге арналған республикалық журнал.

«Ақ желкеннің» қысқаша тарихы:

  • 1925 жыл. Қазақ автономиялық республикасының астанасы Орынборда қазақтың тұңғыш рет балалар журналы – «Пионердің» алғашқы саны жарық көрді.
  • «Пионер» – қазақ балалар әдебиетінің көшбасшысы, әдебиеттің осы саласы қалыптасқан қарашаңырақ. Журналдың алғашқы сандарынан бастап Б.Майлин, І.Жансүгіров, М.Әуезов, С.Мұқанов, Ғ.Мүсірепов сияқты әдебиетіміздің алыптары автор болды, ондаған ақын-жазушыларымыз шығармашылық жолын «Пионер» беттерінен бастады.
  • 1931 жыл. Қызылордада «Екпінді жас» деген атпен қайта шыға бастаған журнал сол кездегі пионер ұйымдарын ел өміріндегі ең қажетті істерге жұмылдырылды.
  • 1937-1939 жылдар. Журнал «Вожатый көмекшісі» деп аталып, өзінің бастапқы бағытын жалғастырды.
  • 1939-1941 жылдар. Журнал беттерінен уақыт лебі сезіледі. Негізінен әдеби басылым болған «Пионердің» басты назар аударған мәселесі – балалардың еңбекке араласуы, Отан экономикасы мен қорғаныс күшін нығайтуға қосар үлесі және әскери-патриоттық тәрбие болды.
  • 1946-1958 жылдар. Ұлы Жеңістен соңғы еңбектегі ерліктерге толы бұл жылдары да «Пионер» өзінің ұйымдастырушылық, тәрбиелік рөлін риясыз атқарды.
  • 1978 жылы «Пионер» қайтадан шыға бастады.
  • 1991 жылы «Ақ желкен» атауы берілді.

«Ақ желкен» («Пионер») журналының әр жылдардағы бас редакторлары:

  • 1925 жылы Ерғали Алдоңғаров тұңғыш бас редакторы болды.
  • 1939 жыл - Рамазан Амангелдин.
  • 1940 жыл - Хасен Сейілханов.
  • жылы белгісіз - Сәкен Дайырбеков.
  • 1946 жыл - Нұрхан Ахметов.
  • 1946-1952 жыл - Төкен Әбдірахманов.
  • 1952-1955 жыл - Серік Қирабаев.
  • 1955-1959 жыл - Рахметолла Ыдырысов.
  • 1978-1996 жыл - Фариза Оңғарсынова.
  • 1996-2002 жыл - Мағира Қожахметова.
  • 2002-2011 - Нұрғали Ораз.
  • 2011-2015 - Жүсіпбек Қорғасбек.
  • 2015-2021 - Балжан Мұратқызы.
  • 2021 жылдың ақпан айынан бері - Есей Жеңісұлы.

Айына бір рет шығады. Журналда тарихи, ғылым-танымдық, тәрбиелік мәні мол мақалалар, сондай-ақ талапкер жасөспірімдердің — мектеп оқушыларының өлең-жырлары, әңгіме, хикаяттары ұдайы жарияланады.