Базарбек Керімбеков

Базарбек Керімбеков (1938 ж. т., Түркістан ауданы Бозбұтақ ауылы) – ғалым, медицина ғылымдарының докторы (1975), профессор. (1989). Алматы мемлекеттік медицина институтын бітірген (1961). 1962 жылдан педиатр, Алматы өлкелік патология ғылыми-зерттеу институтында лаборант, аға лаборант, кіші ғылыми қызметкер, 1967 – 1973 жылдары КСРО медицина академиясының Алматы бөлімінде лаборатория меңгерушісі. 1984 – 1988 жылдары интернат директорының орынбасары, кейін директор болды. 1989 жылдан Алматы, Шымкент медицина институттарында профессор және меңгеруші, Иасауи атындағы Халықаралық қазақ-түрік университетінде проректор қызметтерін атқарды. Еңбектері әлеуметтік факторлардың денсаулыққа әсері мен қоғамдық гигиенаның денсаулық сақтау саласындағы орны тақырыбына арналған. Өзбекстан Жоғары Кеңесінің Құрмет грамотасымен марапатталған.