Байбала Жайсаңбайқызы

Байбала Жайсаңбайқызы (18 ғасырдың соңы – 19 ғасырдың бас кезі) - ақын.

«Ақындар елі» атанған Сыбан ішінде тәрбиеленіп, жастайынан ақындар айтысына түскен. Ел аузына кеңінен тарап, халық сүйіспеншілігіне бөленген Сарыбай ақынмен айтысы. Әуезов бұл айтысқа үлкен мән беріп, Біржан мен Сара айтысы деңгейінде бағалаған. Өзінің «Айтыс өлеңдері» атты зерттеу еңбегінде Сабырбай ақын Байбала қызбен жігіт кезінде тынымсыз айтысады. Бірінің-бірі қапысын аңдып, кеш жөнекей де, мезгілсіз ертелі-кеште, түнде де айтысып жүреді дей келіп, ұзақ жылдар жеңісе алмай, аяғында Сабырбай өзінің айтқан бір тұрпайы қалжыңы үшін, бұны мұрттай ұшырған, мірдің оғындай ащы мысқыл жауапты Байбаладан алады да, жеңіледі деп, Байбаланың ақындық талантына тәнті болады. Мұнымен қоса солайша жеңілгендігін кейінгі буындарға, өз тұсындағы тыңдаушыларға Сабырбай өзі айтып беріп кеткен деп, ақындық этиканың үлкен мәнге ие болғандығын атап етеді зерттеуші.