Бала Айдаһарлы

Бала Айдаһарлы - ерте темір дәуірінен сақталған археологиялық ескерткіш. Қарағанды облысы Шет ауданы Қызылтай ауылынан оңтүстікке қарай 48 километр жерде, Бала Айдаһарлы тауының оңтүстік-шығыс етегінде орналасқан. 1982 жылы Орталық Қазақстан археологиялық экспедиция (жетекшісі Ж.Құрманқүлов) зерттеген. Тастан үйілген обаның диаметрі 20 метр, "мұрттарының" ұзындығы 180 - 200 метр. Айналдыра жыланның тілі немесе күннің шуағы сияқты өрнектер салынған. Заттай деректерге қарағанда оба біздің заманымыздан бұрынғы 7-5 ғасырларға жатады.