Баршақұм
Баршақұм – Арал қарақұмының солтүстігіндегі құмды алқап.
| Баршақұм құмы | |
| Сипаттамасы | |
|---|---|
| Теңiз деңгейiнен биіктігі | 112 м |
| Ұзындығы | 110 км |
| Ені | 40 км |
| Ауданы | 1,7 мың км² |
| Орналасуы | |
| 47°29′55″ с. е. 62°05′28″ ш. б. / 47.49861° с. е. 62.09111° ш. б. (G) (O) (Я)Координаттар: 47°29′55″ с. е. 62°05′28″ ш. б. / 47.49861° с. е. 62.09111° ш. б. (G) (O) (Я) | |
| Ел |  Қазақстан |
| Аймақ | Ақтөбе облысы, Қызылорда облысы |
| Орналасуы | Арал қарақұмының солтүстігі |
Географиялық орны
өңдеуҚызылорда облысы Арал және Ақтөбе облысы Ырғыз аудандары жерінде орналасқан.
Жер бедері
өңдеуАбсолюттік биіктігі 112 м. Солтүстік-батыстан оңтүстік-шығысқа қарай 110 км-ге созылып жатыр, енді жері 40 км, аумағы 1,7 мың км2. Жер бедері қырқалы-төбешікті, бірен-саран шағылдар (биіктігі 7-12 м) кездеседі. Құм төбелері арасында Берді, Аймаңдай, тағы басқа құдықтар кездеседі.
Өсімдігі
өңдеуҚұмның сұр, сортаңды топырағында жусан мен бұта аралас эфемерлі өсімдіктер, грунт суы жер бетіне жақын жатқан ойысты жерлерде жыңғыл, ши, құрақ өседі. Жыл бойына мал жайылымына пайдаланылады. Мұнда Бөбешек, Мейірман, Жыланды, Манасбай, Көкқабақ қыстаулары орналасқан.[1]
Дереккөздер
өңдеу- ↑ «Қазақстан»: Ұлттық энциклопедия / Бас редактор Ә. Нысанбаев – Алматы «Қазақ энциклопедиясы» Бас редакциясы, 1998 жыл, ISBN 5-89800-123-9, II том