Disambig gray.svg Басқа мағыналар үшін Барыс деген бетті қараңыз.

Барыс – Шаға қойнауының оңтүстік-шығысындағы Қаратаудың аңғар сайы.[1] Басын таудың орта бөлігінен алады. Бойымен аққан бұлақ аяғы солтүстік-шығысындағы саз топырақты адырды жарып өтетін сайды бойлап кетеді. Барыс бастарында Бескемпір темір кені, солтүстігінде қара гранит кендері бар. Темір кен орны барланып, қоры есептелген.[2] Гранитті барлап пайдалану кезінде экон. қиыншылықтарға байланысты тоқтатылды.[3] Аңғардың батыс жиегін көмкерген тұмсық, тау етегі алаңқайындағы мола, сай – бәрі Барыс атымен аталады. Ел аузында айтылатын бір дерек Барыс атауын туысы Беріш, мысырдың билеушісі Мәмлүк Бейбарыс сұлтанның туған жері деп, сай аяғының шығысындағы бүгінде үйінді болып жатқан, басына таяқ шаншулы әулие саналатын мола орнын Бейбарыстың туған жеріне дінді уағыздау үшін жіберген өкілінің атымен байланыстырады.[4]

ДереккөздерӨңдеу

  1. «Батыс Қазақстан облысы» энциклопедиясы, Алматы, 2002;
  2. Маңғыстау энциклопедиясы, Алматы, 1997;
  3. «Қазақстанның қорықтары мен ұлттық бақтары», Алматы, 2006;
  4. «Маңғыстау» энциклопедиясына, Компьютерлік-баспа орталығы, 2007