Бауыржан Ербосынұлы Исламхан

(Бауыржан Исламхан бетінен бағытталды)

Бауыржан Исламхан (Тараз, 1993 жылы 23 ақпанда туған) — қазақстандық футболшы, «Ордабасы» клубы мен Қазақстан Ұлттық футбол құрамасының жартылай қорғаушысы. Қазақстанның 6 дүркін вице-чемпионы және Ел Кубогының 4 дүркін иегері.

Бауыржан Исламхан Футбол
Жалпы мағлұмат
Толық аты

Бауыржан Ербосынұлы Исламхан

Лақап аттары

Батори

Туған күні

23 ақпан 1993 (1993-02-23) (31 жас)

Туған жері

Тараз, Қазақстан

Азаматтығы

 Қазақстан

Бойы

174 см

Салмағы

64 кг

Позиция

жартылай қорғаушы

Клуб жайлы ақпарат
Клуб

Қазақстан Ордабасы

Номері

9

Жастар клубы
2009—2011 Қазақстан Тараз
Клуб карьерасы[* 1]
2011—2012 Қазақстан Тараз 50 (6)
2013—2014 Ресей Кубань 0 (0)
2013   Қазақстан Астана 7 (1)
2014—2019 Қазақстан Қайрат 169 (50)
2020 Біріккен Араб Әмірліктері Әл-Айн 10 (0)
2023— Қазақстан Ордабасы 10 (2)
Ұлттық құрамы[* 2]
2011 Қазақстан Қазақстан U19 1 (0)
2012—2014 Қазақстан Қазақстан U21 24 (6)
2012—  Қазақстан 50 (3)
  1. Кәсіби клубтарда соққан голдары мен ойындары тек әртүрлі ұлттық лига чемпионаттарында ғана саналады.
  2. Ресми матчтарда ұлттық құрамда болған ойындары мен голдар саны.

Мансабы өңдеу

Клубтық өңдеу

Исламхан Тараз футбол академиясының тәрбиеленушісі. "Тараз" футбол клубы үшін алғашқы ойынын 2011 жылдың 6 наурызында, Қазақстан премьер лигасы аясында Ертіске қарсы ойында өткізді. Сол ойыннан бері ол клубтың негізгі ойыншыларының біріне атанды. Келесі маусымда 19 жасар Исламхан команда капитаны болып сайланады. 2012 жылдың маусымында 22 ойында 4 гол соғып Қазақстан Футбол Федерациясы жаттықтырушыларының дауыс беру қорытындысы бойынша «Жылдың ең үздік жас ойыншысы» атанады.

2013 жылы өзінің туылған күнінде "Кубань Краснодар" футбол клубымен үш жылдық келісім шартқа қол қояды. Ол 2013 жылы 25 ақпан күні «Торпедо Армавир» футбол клубына қарсы ойында дебютін жасады. Ресей Премьер Лигасында бірде-бір ойын өткізбеген Исламхан, жартыжыл бойы Кубаньның екінші командасы үшін өнер көрсетеді.

2014 жыл 11 ақпан «Кубань Краснодар» мен «Қайрат» арасында келіссөдер жүргізіліп, Исламхан Қайратпен үш жылдық келісім шартқа қол қояды. 2016 жылы тамыз айының соңына қарай "Астана" футбол клубынан, «Қайратпен» келісім шарт уақыты аяқталғаннан кейін «Астана» футбол клубына қосылу туралы ұсыныс келіп түседі. Бірақ футболшы ондай ұсыныстан бас тартты.

2020 жылы қаңтар айында "Қайраттан" кетті. Осы кезде "Зениттен" ұсыныс түсті де, клубтың бірнеше оқу-жаттығу жиындарына қатысты. Алайда клубпен келісім шарт жасасқан жоқ, 21 қаңтарда Біріккен Араб Әмірліктерінің "Әл-Айн" клубына ауысты.

2020 жылғы маусымның соңында допинг пайдаланды деп айыпталып, АФК оны екі жылға футболдан шеттетті.[1]. 2023 жылдың ақпаныңда "Ордабасымен" келісім шартқа отырды[2]. 2023 жылдың 4 наурызында "Ордабасының" "Каспийға" қарсы ойыныңда дебютын жасады. Тура сол матчта ол жаңа клубы үшін алғашқы голын салды[3].

Ұлттық құрама өңдеу

Қазақстанның бірнеше жастағы жастар құрамаларында ойнады.

2012 жылы ақпанда Литваға қарсы жолдастық кездесуде Ұлттық құрама жейдесін тұңғыш рет киді. 2014 жылы 5 қыркүйекте Қырғызстанмен өткен жолдастық кездесуде тұңғыш голын соқты. Бір жылдан соң Тәжікстанмен жолдастық кездесуде екінші голын енгізді.

2016 жылы 4 қыркүйекте 2018 жылғы әлем чемпионатының іріктеуінде Польшаға қарсы ойында тұңғыш рет капитан ретінде алаңға шықты. 2017 жылы 10 маусымда осы іріктеудегі Даниямен ойында қызыл қағаз алып алаңнан қуылды.

2019 жылы 11 маусымда Сан-Марино қақпасына құрама сапындағы үшінші голын соқты.

Жетістіктері өңдеу

Клубтық өңдеу

  Қайрат

  • Қазақстанның вице-чемпионы (5) : 2015, 2016, 2017, 2018, 2019
  • Қазақстанның қола жүлдегері: 2014
  • Қазақстан кубогы (4) : 2014, 2015, 2017, 2018
  • Қазақстан суперкубогы (2) : 2016, 2017

Жеке өңдеу

  • Жыл жаңа есімі: 2011
  • Қазақстанның үздік жартылай қорғаушысы: 2015, 2016, 2017
  • Қазақстанның үздік футболшысы: 2014, 2016

  Ордабасы

  • Қазақстан чемпионы: 2023

Дереккөздер өңдеу

Сілтемелер өңдеу