Бауыржан Қаптағай

Бауыржан Қаптағай (1954 жылы Алматы облысы Райымбек ауданында туған) — актер. Қазақстанның еңбек сіңірген қайраткері (2013). Мұхтар Әуезов атындағы Қазақ мемлекеттік академиялық драма театрының актері (1980 жылдан).

Бауыржан Қаптағай
Жалпы мағлұмат
Туған күні	1954 (1954)
Туған жері	Алматы облысы Райымбек ауданы
Азаматтығы	Қазақ КСР  Қазақстан
Мамандығы	актер
Белсенді жылдары	1980 - осы уақыт
Бағыты	драма
Марапаттары	Қазақстанның еңбек сіңірген қайраткері

Толығырақ

• Бауыржан Қаптағай 1954 жылы Алматы облысы Райымбек ауданы Жамбыл селосында дүниеге келген.
• 1976 - 1980 жылдары Т.Жүргенов атындағы Қазақ ұлттық өнер академиясы (бұрынғы Қазақ Мемлекеттік Т. Жүргенов атындағы Театр және кино институтын)ның актерлік бөлімін Қазақ ССР халық артисі, профессор Асқар Тоқпановтың классын бітірген.
• 1980 жылдан Мұхтар Әуезов атындағы Қазақ мемлекеттік академиялық драма театрының актерлік құрамында.
• Көптеген отандық телесериалдар мен көркем фильмдерге түскен.

Сахнадағы негзгі рөлдері

• Мұхтар Әуезов атындағы Қазақ мемлекеттік академиялық драма театры сахнасында: Р. Сейсенбаевтың «Түнгі диалогында» Қодар, Қ. Шаңғытбаев пен Қ. Байсейітовтің «Беу, қыздар-ай» комедиясында Хасен, М. Әуезовтің «Қарагөзінде» Нарша, Жабай, «Қара қыпшақ Қобыландысында» Қазан, «Абайында» Айдар, Нарымбет, Мес, «Еңлік-Кебегінде» Есен, Ә. Нұрпейісовтің «Қан мен терінде» Әбейсін, Б. Римованың «Абай-Әйгерімінде» Манас, М. Мақатаевтың «Қош, махаббатында» Асан, Ғ. Мүсіреповтің «Қозы Көрпеш-Баян сұлуында» Қодар, С. Мұқановтың «Мөлдір махаббатында» Бәтестің әкесі, С. Торайғыровтың «Қамар сұлуында» Қалтан қажы, Шахимарденнің «Томирисінде» Март, Б. Мұқайдың «Сергелдең болған серілерінде» Жан, И. Вовнянконың «Апатында» Жұма, Т. Нұрмағанбетовтің «Бес бойдаққа бір тойында» Барбол, Қ. Ысқақ пен Шахимарденнің «Қазақтарында» Би, Иран-Ғайыптың «Естайдың Қорланында» Әкім, Т. Әбдіковтің «Ұлы мен Ұры» қойлымында Ардагер (реж. Е. Обаев, Е. Нұрсұлтан) және т.б көптеген рөлдерде ойнайды.

Марапаттары

• Халықаралық және республикалық театр фистивальдерінің жүлдегері.
• 2013 жылы Елбасының жарлығымен "Қазақстанның еңбек сіңірген қайраткері" құрметті атағы берілді.
• 2016 жылы "Қазақстан тәуелсіздігіне 25 жыл" медалімен марапатталған.