Бағдад медресесі
Бағдат медресесі (әл-Мұстансира) — орта ғасырдағы діни оқу орны.
1227 — 33 жылы халиф әл-Мұстансир ұйымдастырған. Бағдат медресесі бүкіл ислам әлемі үшін өркениет ордасына айналған. Өткен дәуірлердегі қолжазбалар осында араб тіліне аударылып, жинақтала бастады. Заратуштра ілімі де ислам қағидаларымен синтезделіп араб мәдениетінің қалыптасуына үлкен үлес қосты. Әлемнің мәдени қазыналарын жинақтаған бұл өркениеттің Қазақ сахарасына тигізген ықпалы да мол болды. Кезінде Әбу Наср әл-Фараби да өз білімін Бағдатта толықтырған. Бағдат медресесі өз заманында Таяу Шығыс және Орта Шығыстағы діни оқу орындары ішіндегі ең атақтыларының бірі болды. Мұнда шәкірттер мұсылман діні, жаратылыстану және қоғамдық-филос. білім салалары бойынша дәріс алды. Ғылыммен әуестенгендер халифаттың түкпір-түкпірінен осында келіп оқыған. Бағдат медресесінің ғимараты 1825 жылы күрделі жөндеуден өткізіліп, 1946 жылы қайта жаңартылды. 1964 жылы оған Мұғалімдер кәсіподақ ұйымының қарауындағы әл-Мұстансира университеті орналастырылды.[1] ref>Ислам. Энциклопедиялық анықтамалық. Алматы: “Аруна Ltd.” ЖШС, 2010 ISBN 9965-26-322-1</ref>
Дереккөздер
өңдеу- ↑ «Қазақстан»: Ұлттық энцклопедия / Бас редактор Ә. Нысанбаев – Алматы «Қазақ энциклопедиясы» Бас редакциясы, 1998 ISBN 5-89800-123-9, I том
| Бұл мақаланы Уикипедия сапа талаптарына лайықты болуы үшін уикилендіру қажет. |
| Бұл мақалада еш сурет жоқ.
Мақаланы жетілдіру үшін қажетті суретті енгізіп көмек беріңіз. Суретті қосқаннан кейін бұл үлгіні мақаладан аластаңыз.
|
|
Бұл — Ислам туралы мақаланың бастамасы. Бұл мақаланы толықтырып, дамыту арқылы, Уикипедияға көмектесе аласыз. |