Бақтыбала Баймырзақызы Әбдіғалымиева

Бақтыбала Баймырзақызы Әбдіғалымиева (4. 9. 1940 жылы туған, Талдықорған облысы , Үйгентас ауданы , Лепсі ауылы) тіл білімі маманы, филолог ғылым кандидаты (1985), доцент (1997). Алматы педагогикалық шетелтілдері институтын бітірген (1965). 1965-1986 ж. осы институтта оқытушы. 1986 жылдан Қазақ мемлекеттік Абылай хан атындағы халықар. қатынастар және әлем тілдері университетінің доценті. Профессор Ә. Хасеновтың жетекшілігімен "Қазақ тіліндегі тұрмыстық лексика" деген тақырыпта кандидаттық диссертация қорғады. 10-нан астам еңбек жариялады. Қазақ және неміс тілдерін салыстыра зерттеу саласында еңбектеніп жүр.

Шығармалары:

• Бытовая лексика казахского языка (семантика, структура, источники). АКД., А., 1985;
• Неміс тілі (8-сынып оқулығы). А., 1995 (авт. бірі);
• Неміс тілі грамматикасының жаттығулар жинағы. А.,(авт. бірі);
• Неміс тілі (9-сынып оқулығы). А.,(авт. бірі).