Әбілда Хасенов

 Басқа мағыналар үшін Хасенов деген бетті қараңыз.

Әбілда Хасенов (1917, Жаңаарқа ауданы, Түгіскен ауылы - 2006, Жаңаарқа ауданы, Түгіскен ауылы) - шопан, сталиндік «тазарту» тауқыметін тартушы. Руы - Тама - Жөгі - Көзей.

Әбілда Хасенов
Туған күні	1917 (1917)
Туған жері	Жаңаарқа ауданы
Қайтыс болған күні	2006 (2006)
Қайтыс болған жері	Жаңаарқа ауданы
Азаматтығы	Қазақстан
Ұлты	Қазақ
Марапаттары мен сыйлықтары	Жаңаарқа ауданының құрметті азаматы

Ұлы Отан соғысына қатысқан (1941-1945). 1943-1944 жылдары неміс лагерінде болып, тұтқыннан қашып шыққан. Отан соғысын 1945 жылы Берлинде аяқтаған. Соғыстан бейбіт еңбекке оралғаңда, жыл сайын тергеуге алынып отырған. Өзімен бірге тұтқында болғандармен беттестіріп, жазықсыз жандарға жала жаптыруға қарсы шыққан. Хасеновтың тұтқында бірге болғандардың біразын ақтап алуға септігі тиген (ұлытаулық М. Баржақсин, т. б.).

Еңбек жолы

1985 жылға дейін «Жеңіс» кеңшарында озат шопан болды. 40 жылдай қой бағу ісіңде жоғары көрсеткішке жетті. Социалистік Еңбек Ері С. Ысқақов сынды өзінің ізбасарларын тәрбиеледі.

Марапаттары

• 2 мәрте Еңбек Қызыл Ту ордені.
• I дәрежелі Отан соғысы ордені.
• Қызыл Жұлдыз ордендерімен марапатталған.
• Жаңаарқа ауданының құрметті азаматы.